Ölkə futbolu
Rövnəq Abdullayev: "Neftçi"yə sponsorluq etmək şirkətin borcudu"
Ölkəmizi UEFA Çempionlar Liqasında təmsil edən "Q…
Ölkəmizi UEFA Çempionlar Liqasında təmsil edən "Qarabağ" ikinci təsnifat mərhələsinin cavab oyununda səfərdə 1:0 hesabı ilə məğlub etdiyi Malta "Valletta"sını doğma meydanda darmadağın etdi. Futbolinfo.az xəbər verir ki, təmsilçimiz rəqibinə 4 cavabsız top vuraraq növbəti mərhələdə Avtriya "Zalsburq"una rəqib oldu.
"Qarabağ" – "Valletta" matçını izləyənlər arasında AFFA-nın prezidenti Rövnəq Abdullayev də var idi. Ölkənin ali futbol qurumunun rəhbəri qarşılaşmadan sonra jurnalistlərin suallarını cavablandırıb:
– Qarşılaşma ilə bağlı fikirlərinizi bilmək maraqlı olardı…
– "Qarabağ"ın Çempionlar Liqasında qazandığı böyük hesablı qələbə bizim üçün rekord oldu. Belə bir qələbəyə görə hər kəsi təbrik edirəm. Ağdam klubunun növbəti mərhələni də keçəcəyinə inanıram. Onların rekord vuraraq, ÇL-nin qrup mərhələsinə də düşəcəklərinə inanıram. Bu da bizə əlavə imkanlar yaradacaq.
– Rəqib futbolçular "Qarabağ"ın oyunçularına qarşı aqressiv oynayanda nə hisslər keçirirdiz?
– Uduzan həmişə cığallıq edir. Burada problemli bir şey yoxdu. "Qarabağ" orada da, burada da çox güc sərf etdi. Onların sükanı belə saxlayacaqlarına inanıram.
– Sabah (bu gün) Ağdamın işğal günüdü. Bu qələbənin yerinə düşdüyünü söyləmək olarmı?
– Bunu mən futbolçularla görüşdə də dedim. Ağdamın icra başçısı da matçı stadiondan izləyirdi. 23 iyul Ağdamın işğal günüdü. Bu qələbə ağdamlılara bir məlhəm oldu.
– Növbəti turda Avstriya çempionu olan "Zalsburq" Bakıya gəlir…
– "Zalsburq" güclü komandadı. Komandamız yəqin ki, "Zalsburq"u keçmək üçün ciddi çalışacaq.
– Bu həftə digər təmsilçilərimiz "İnter"lə "Neftçi"nin də oyunları olacaq…
– "İnter" artıq səfərdə qələbə qazanıb. Onlar artıq növbəti mərhələnin astanasındadı. Bu baxımdan şansımız böyükdü. "Neftçi" Bakıdakı məğlubiyyətin əvəzini səfərdə çıxmalıdı. Bizi sevindirə bilsə, bu, böyük irəliləyiş olacaq.
– Siz “Neftçi”yə sponsorluq edən şirkətin prezidenti kimi tanınırsınız. Ancaq "Neftçi"nin oyununda görünmürsüz. Yoxsa gəlmisiz, biz görməmişik?
– Ümumiyyətlə, mən Azərbaycan futbolunun azarkeşiyəm. Kiməsə sponsorluq etməyimiz, ona azarkeşlik etməyimiz anlamına gəlmir. Mən vaxtı ilə "Neftçi"nin prezidenti olsam da, hazırda o vəzifə mənə məxsus deyil. Mən bütün komandalarımıza azarkeşlik edirəm. Sponsorluq etmək şirkətin borcudu.
– Azarkeşlər stadionu demək olar ki, doldurmuşdu. Adətən Azərbaycanda azarkeş qıtlığı yaranır…
– Mən azarkeşlərdən hələ ki, narazıyam. 4:0 hesablı qələbə qazanan komandanın oyununda azarkeşlərin 76-cı dəqiqətən etibarən stadionu tərk etməsini anlamıram. Düzdü, stadion dolu idi. Dünya Çempionatı göstərdi ki, məğlub duruma düşən komandalara necə dəstək vermək lazımdı.
– Növbəti həftədə, "Qarabağ" – "Zalsburq" oyununda sizi stadionda görə biləcəyik?
– Mütləq.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Milli komanda2024-04-22 13:46
Fişer: “AFFA-dan təklif almamışam”
- Ölkə futbolu2024-04-23 08:00
“Səbail” “Sabah”a uduzsa…