Ölkə futbolu
İan Atsopardi: “Qarabağ" "Zalsburq"u da keçə bilər"
Malta “Valletta”sının müdafiəçisi İan Atso…
Malta “Valletta”sının müdafiəçisi İan Atsopardi Çempionlar Liqasının ikinci təsnifat mərhələsi çərçivəsində keçirilən “Qarabağ” matçı ilə bağlı fikirlərini açıqlayıb. Futbolinfo.az saytına müsahibəsində o, 0:4 hesablı məğlubiyyəti şərh edib:
– Böyükhesablı məğlubiyyəti necə şərh edədirdiz?
– İlk dəqiqələrdən qırmızı vərəqə səbəbindin 1 oyunçumuzu itirdik. Bundan sonra hər şey bizim üçün daha da çətinləşməyə başladı. Onsuz da, evdə məğlub olmuşduq və hər şey bizim üçün çətin idi.
– Belə böyükhesablı oyun gözləyirdiz, yoxsa heç-heçəyə ümid edirdiz?
– Bilirdik ki, “Qarabağ” ilk dəqiqələrdən qapımıza ard-arda hücumlar təşkil edəcək. Amma 4 qollu məğlubiyyət gözləmirdik. Biz də pis başlamadıq, amma qapımızda erkən qol gördük və yenə də deyirəm, ilk qırmızı vərəqə bizə çox pis təsir etdi.
– İki futbolçunuz qırmızı vərəqə aldı. Ümumiyyətlə, hakimin qərarlarından razı qaldınız?
– Məncə, birinci qırmızı vərəqə düzgün deyildi. Çünki mən epizoda çox yaxın idim. Dəqiq gördüm ki, Reynaldonun ayağı topa ilişdi. Ancaq referi həmin epizodda oyunu dayandırdı və futbolçumuza qırmızı vərəqə göstərdi. Bu sözləri hakimə də dedim, amma heç bir fayda vermədi. İkinci qırmızı vərəqə ilə bağlı onu deyə bilərəm ki, hakim gözlərini yumdu və qərar verdi. Həmin epizodda ikinci sarı vərəqəni vermək olardı, amma verməmək də olardı. Elə də mübahisəli olmazdı.
– Siz birinci matça nisbətən zəif oynadınız, yoxsa “Qarabağ” bu dəfə daha gülü idi?
– “Qarabağ” çox güclü komandadı. Təbii ki, azlıqda qaldıqdan sonra istədiyimiz, planlaşdırdığımız oyunu göstərə bilmədik. Düzdü, çalışdıq ki, epizodlar yaradıb, qol vuraq. Amma bu çox çətin oldu. Hücumçumuz irəlidə tək qalırdı və heç nə edə bilmirdi. Rəqibin çox sürətli hücumçuları var.
– “Qarabağ” növbəti mərhələdə Avstriya “Zalsburq”u ilə qarşılaşacaq. Siz bu komanda ilə iki oyun keçirmiziz. Sizcə, “Qarabağ” bu oyunla “Zalsburq” qarşısında nəsə edə biləcək?
– Açığını desəm, indi “Zalsburq”un hazırkı durumuna elə də bələd deyiləm. Hesab edirəm ki, “Qarabağ” evdəki oyunda yaxşı nəticə qazana bilər. Əgər Bakıda yaxşı nəticə qazana bilsələr, səfərdə də şansları olar.
ELMAR VƏLİYEV
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Digər idman növləri2024-04-17 21:46
“Neftçi” finalda “Xəzri”yə rəqib oldu
- Ölkə futbolu2024-04-19 08:52
Yüksək əmsal “Qarabağ”a əlavə üstünlük verir
- Digər idman növləri2024-04-18 17:00
Şahmat Federasiyası yeni loqonun hazırlanması ilə bağlı müsabiqə elan etdi