Müsahibə
Jaba Ciqauri: "Neftçi" "Çixura"dan güclü komandadı"
Ölkəmizi Avropa Liqasında təmsil edən "Neftçi&quo…
Ölkəmizi Avropa Liqasında təmsil edən "Neftçi" üçüncü təsnifat mərhələsində Gürcüstanın "Çixura" komandası ilə üz-üzə gələcək. Futbolinfo.az saytına müsahibə verən Gürcüstan klubunun 22 yaşlı yarımmüdafiəçisi Jaba Ciqauri "Neftçi"dən danışıb:
-"Bursaspor"la oyunda cütün fovoriti Türkiyə klubu sayılırdı. Mərhələ keçməyi necə bacardız?
– Komanda ruhu, sona qədər mübarizə sayəsində bunu bacardıq. "Bursaspor"a qarşı zəfər əldə etmək üçün böyük güc sərf etdik. Mənə elə gəlir ki, müasir futbolda fovorit yoxdu. Sadəcə, sona qədər mübarizə apardığımız üçün mərhələni adlayan tərəf biz olduq.
– Növbəti mərhələdə rəqib "Neftçi"di. Azərbaycan klubu haqda nə bilirsiz?
– "Neftçi"nin Azərbaycanda ən titullu komanda olduğunu bilirəm. Bakı klubunun heyətində çoxlu legionerlər çıxış edir. Bizi səfərdə və evdə çətin oyun gözləyir.
– "Neftçi" tərəfi "Çixura"nın zəif olduğunu düşünür. Rəqibin arxayın olması sizin işinizə yaraya bilər?
– Rəqibin nə düşündüyü bizim üçün fərq etməz. Hər şey göz qarşısındadı. "Bursaspor" kimi komanda ilə çətin oyundan sonra futbolçularımızda özünə inam artıb. Bu amil də bizə "Neftçi" ilə oyunda bizə müsbət təsir edəcək.
– Şanları necə dəyərləndirisiz?
– "Neftçi" "Çixura"dan güclü komandadı. Mənə elə gəlir ki, şanslar 60-ın 40-adı.
EMİN SƏFƏROV