Ölkə futbolu
Ruhsuz “Neftçi”nin iddialı prezidenti
İndiki rəhbərliyi “Neftçi”ni elə günə sal…
İndiki rəhbərliyi “Neftçi”ni elə günə salıb ki, hər yanda rəzil olmuşuq. Yarıtmaz idarəçilik üzündən azarkeşlərini küsdürən klub Sadıq Sadıqovun ətrafının futbol komandasına bazar piştaxtası kimi baxması üzündən nüfuzunu itirir. Klub prezidentinin məntiqsiz, heç bir diplomatik manevr gözləmədən verdiyi aşıqlama isə az qala insidentə səbəb olacaq.
"Çixura" nə komandadır axı?" deyən Sadıq bəyə gürcü fanatlar artıq cavab veriblər. Düzdü, onların hərəkəti də qətiyyən yolverilməzdi, təhqir mədəniyyətsizlik nümunəsidi. Ancaq buna məhz “Neftçi”nin prezidenti rəvac verib. Sənin komandan bu kənd komandası qarşısında aciz qaldığı halda belə danışmağa necə cəsarətin çatır? Get, cavab oyununda qalib gəl, sonra nə istəyirsən danış da. İndi mərhələ keçə bilməyəndə nə deyəcəksən? Ayıbını elə Tahir Süleymanov örtürmüş.
Sadıqovun belə istehzalı açıqlamasının arxasında real güc olmalıdı. Belə əmin danışmaq üçün komanda o qədər sanballı olmalıdı ki, nəyəsə arxayın olasan. Biləsən ki, “Bakcell Arena”dakı oyunda sadəcə, bəxt gətirmədi və səfərdə rahatca bu komandanı keçmək olacaq. Ancaq hətta yoxlama matçlarında da 2 dəfə uda bilmədiyin bu komandanı belə aşağılamaq peşəkarlığa ziddi.
Belə açıqlamaları adətən ciddi məşqçilərdən və ya klub rəsmilərindən görmərik. Aradabir Joze Mourinyo belə danışır ki, onun da dilinə görə dilçəyi var. Bəs, sən nəyə arxayınsan, Sadıqov?
Xüsusilə “Qarabağ”ın möhtəşəm qələbəsinin ertəsi günü belə cılız komanda görmək adamı ruhdan saldı. Meydanda nə etdiyi bilinməyən, xaotik futbol oynayan “Neftçi” həvəskar komanda təsiri bağışlayırdı. Heyətdə yetərincə səviyyəli futbolçu var, amma onların potensialından yararlanacaq məşqçi yoxdu.
Böyükağa Hacıyev o qədər bacarıqsızdı ki, Bruno Bertuççi kimi səviyyəli legioner indi piyli qəssablara oxşayır, matçın ən zəifi olur; 90 dəqiqə quyruğu ilə oynayan Julius Vobaya elə azadlıq verilib ki, onun savadsız oyununa görə Flavinyo sevdiyi oyun tərzindən uzaq düşüb, Araz Abdullayev yavaş-yavaş sönür; Karlos Kardosonun ulduza çevrildiyi komandada Ernest Nforun nə işlə məşğul olduğu bilinmir, Erik Ramos əvvəlki kimi təravətli deyil; Kaue yalnız say düzəldirsə, Mihüseyn Seyidov, çoxdan ruh kimi oynayan Cavid İmamverdiyev meydanda boş-boşuna qaçır. Çünki onları oyuna kökləyən, yönəldən, tapşırıq verən futbolu heç onlar qədər də bilmir.
Və Sadıq Sadıqov belə ruhsuz komanda ilə “Çixura”nı adlamaq istəyir. Bəlkə “Koper”lə qarşılaşmada olduğu kimi yenə nəyəsə, nəyinsə gücünə arxayındı, bəlkə gözəgörünməz qüvvələr yenə kömək edəcək, amma inanın, belə ruhsuz “Neftçi”ni növbəti mərhələdə heç kim faciəvi nəticədən qurtara bilməyəcək. Belə başaldadan nəticələr isə hansısa dərmanlar hesabına ölümü uzatmaqdan başqa bir şey deyil.
Nəticələr, klubdakı anarxiya bir yana, “Neftçi” yavaş-yavaş futboldankənar olayların da səbəbkarı olur. Gürcü azarkeşlərin etdikləri bəlkə də böyük bir qalmaqalın başlanğıcı idi, davamının gəlməməsini arzu edirik. Stadionda xaosun qarşısını ala bilməyən “Neftçi” rəhbərliyinin belə axmaq açıqlamasından sonra Gürcüstandakı matçda nələrin baş verəcəyini isə düşünmək belə qorxuludu. Saq olsun Sadıq müəllim…
FƏRİD
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir
- Ölkə futbolu2024-04-17 10:49
12 komandalı çempionat: necə etməli?
- Ölkə futbolu2024-04-16 09:10
Lunyov “Qarabağ”dan ayrıla bilər
- Ölkə futbolu2024-04-17 09:23
Mirzov “Neftçi”dən ayrılır: Premyer Liqadan təklifləri var