Ölkə futbolu
Futbolumuzda Ebola təhlükəsi
Afrika ölkələrində mindən çox insanın ölüm&…
Afrika ölkələrində mindən çox insanın ölümünə səbəb olan Ebola virusunun Rusiyaya da çatması ciddi xəbərdi. Bu bəla qonşu ölkəyə kimi gəlibsə, deməli, bizim üçün də real təhlükə var.
Klublarımızın afrikalı futbolçuların da xidmətindən istifadə etdiyini nəzərə alıb onlarda bu yöndə hansı işlərin görülməsi ilə maraqlandıq. Çünki qabaqlayıcı tədbirlər olmasa, həkimlər diqqətli olmasa, bir anda biz də bəladan zərər çəkə bilərik.
Virusun başlanğıc nöqtəsi olan Afrikanın bir neçə təmsilçisi hazırda klublarımızda çıxış edir:
“Neftçi” – Julius Vobay (Syerra-Leone), Ernest Nfor (Kamerun)
“Qəbələ” – Ekiqo Ehiosun (Nigeriya), Viktor Mendi (Seneqal)
“Xəzər Lənkəran” – Alfred Sanko (Syerra Leone), Sadio Tounkara (Mali), Etame Mbilla (Kamerun)
“Simurq” – Patrik Mzee Osiako (Keniya)
AZAL – Viktor İqbekoyi (Nigeriya)
AZAL-ın həkimi Sədrəddin Məmmədov bizimlə söhbətində hər şeyin nəzarətdə olduğunu söylədi: “Biz ümümiyyətlə, futbolçular komandaya gəldiyi birinci gündən onları tibbi müayinədən keçiririk. Komandamıza gələn bütün əcnəbi futbolçular yoxlanışda olur. Onların bütün daxili orqanlarını yoxlayırıq, qan və nəcis analizi aparırıq. Yaxınlarda bizə kolumbiyadan futbolçu gəlmişdi. Onda hepatit C çıxdı. Bu da elə bir daşıyıcıdı ki, ətrafdakılara zərər törətmir. O xəstəlik ancaq mənim əlimdən yoluxa bilər. Misal üçün, əgər mən birinə vurduğum iynəni o birisinə də vurarsam, bu zaman qanla yoluxa bilər. O hepatitin də C-si və B-si var. B daha tez yoluxur, amma C yox. Biz bütün yoxlanışları apardıqdan sonra futbolçuya icazə veririk ki, komandaya qoşulsun. Fərqi yoxdur, əcnəbi, yaxud yerli. Yerli futbolçuda da hər hansı xəstəlik ola bilər. Buna görə də biz bu barədə ciddi yoxlanışlar aparırıq. Ebola daşıyıcısında yüksək 40-45 dərəcə hərarət olur, özünü zəif hiss edir, ürək bulanması, iştahadan kəsilmə və s. olur. Artıq bir çox Afrika dövlətində bu xəstəlikdən ölənlər var. Biz bu barədə mətbuatdan mütəmadı məlumatlar alırıq. Hazırda bizdə hər şey qaydasındadır. Heç bir problemimiz yoxdu”.
“Qəbələ”nin həkim-fizioterapevti Rahim Məhərrəmov da oxşar fikirlər səsləndirdi: “Bizdə heç bir problem yoxdur. Bizdə olan afrikalı futbolçular Avropa ölkələrində yaşayırlar, Afrikaya getmirlər. Buna baxmayaraq, biz yenə də bu barədə ciddi yoxlanışlar aparırıq. Əslində ölkəmizə daxil olan əcnəbilər hava limanında ciddi yoxlanışdan keçirlər. Amma yenə də klublarımız bu barədə çox diqqətli olmalıdırlar. Əsasən də gələnlərin ilk növbədə qanı və ürək-damar sistemi ciddi yoxlanılmalıdır”.
Qeyd edək ki, ilk olaraq 1976-cı ildə Konqoda aşkarlanan və adı Afrikadakı bir göldən götürülən Ebola virusu ishal, başağrısı, qusma, dəri töküntüləri və yüksək bədən temperaturu əlamətləri ilə ortaya çıxır. Virus ən çox Konqo, Syerra-Leone, Nigeriya, Uqanda və Cənubi Sudanda yayılıb. Müalicəsi və peyvəndi olmayan virüs xəstədən sağlam insana asanlıqla keçir. Virus tər, qan, tüpürcək yolu ilə yayılır. Bəzi insanlarda göz, qulaq və burun qanaxmaları müşahidə edilir. Xəstəlik ilkin olaraq qızdırma ilə başlayır və sonradan digər əlamətlər özünü göstərir.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”