I Liqa
1-ci divizionda 1 oyunun eybəcərlikləri (FOTO)
Bu gün Azərbaycan çempionatının birinci divizonunda 201…
Bu gün Azərbaycan çempionatının birinci divizonunda 2014/15 mövsümünün açılış turunun növbəti oyunları keçirildi. Futbolinfo.az xəbər verir ki, ilk turun növbəti matçında "Qaradağ Lökbatan" və "Energetik" komandaları üz-üzə gəldilər.
"Dalğa Arena"da keçirilən və əməkdaşımızın canlı izlədiyi bu matç bir çox diqqətçəkən məqamları ilə yadda qalıb. Belə ki, bu çempionatın təşkilatçısı Peşəkar Futbol Liqası (PFL) olsa da, sdadionda bu qurumun heç bir nişanəsi (bayraq və s.) yox idi. Stadionda daha çox milli komanda ab-havası hiss olunurdu. Bir neçə gün öncə burada U-21 millimiz AÇ-2015-in seçmə mərhələsində İsraillə qarşılaşdığından stadionda UEFA-nın bayrağını, ehtiyat oyunçular skamyasının üzərində isə yığmamıza aid olduğunu göstərən lövhəyə rast gəlmək olardı.
Daha bir maraqlı məqam "Energetik"in həkimləri olmadan meydana çıxması idi. Məhz həkim heyəti olmadığı üçün onların futbolçuları xəsarət alanda "Qaradağ Lökbatan"ın həkimləri həmin oyunçulara müdaxilə edirdi. Stadionda təcili yardım maşını olsa da, bir futbolçu xəstəxanalıq olduğu üçün onu aparmağa başqa təcili yardım maşınının çağırılması və onun yarım saat sonra gəlib çıxması da əsas eybəcərlilklərdən biri idi.
Qeyd edək ki, boş tribunalar qarşısında keçən bu qarşılaşma "Qaradağ Lökbatan"ın 2:0 hesablı üstünlüyü ilə başa çatdı.