Müsahibə
Flavinyo: “XL sanki bizdən çəkinirdi”
“Neftçi”nin kapitanı Flavinyo Topaz Premyer Liqas?…
“Neftçi”nin kapitanı Flavinyo Topaz Premyer Liqasının 5-ci turu çərçivəsində qarşılaşdıqları “Xəzər Lənkəran”la oyundan sonra jurnalistlərin suallarını cavablandırıb. Futbolinfo.az sizi həmin müsahibə ilə tanış edir.
– "Xəzər Lənkəran " üzərində 1:0 hesablı qələbə qazandız. Oyunu necə şərh edərdiz?
– "Xəzər Lənkəran"a qarşı oyun həmişə ağır olur. Bu dəfə də qələbə qazanmaq istəyirdik. Azərbaycanda bu oyuna kifayət qədər maraq var. Bir oyunçumuz qırmızı vərəqə ilə meydandan qovuldu. Amma tez qol vurmağımız yaxşı oldu. Bundan sonra da müdafiədə yaxşı oynadıq və qol buraxmadıq.
– Əgər azlıqda qalmasaydız, oyun başqa cür başa çata bilərdi?
– Nəticəni deyə bilmərəm, amma oyun 100 faiz fərqli olardı. Daha çox qol imkanları yarada bilərdik. Amma azlıqda qaldığımız üçün çox enerji itirdik.
– Oyun zamanı rəqib futbolçu Rahid Əmirquliyevlə mübahisə etdiniz. Orada nə baş vermişdi?
– Bayaq da dediyim kimi, bu komandalar arasındakı oyunlar həmişə gərgin olur. Elə bildim, mənə söydü. Ona görə bir az əsəbiləşmişdim. 4 ildir buradayam, mənim heç vaxt kiminləsə problemim olmayıb.
– Bu oyuna rəqib azarkeşləri buraxmamışdılar. Amma bu komandalar arasında hər iki tərəfin də azarkeşləri olanda oyunda ajiotaj daha böyük olur. Bu barədə nə deyə bilərsiz?
– Bizim üçün yaxşı idi, onlar üçün pisdi. Amma təbii ki, istəyərdim, hər iki tərəfin azarkeşləri də olsun.
– Son vaxtlar elə də güclü çıxış etmirsiz. Bu oyunda vurduğunuz qol növbəti matçlar üzün sizə təsir edəcəkmi?
– Təbii ki, ilk gəldiyim illərdəki kimi oynamaq istəyirəm. Bir şeyi də unutmayın ki, buraya gələndə 27 yaşım vardı, indi 31-di. Amma hələ də yaxşı oynaya bilirəm.
– Vurduğunuz qolu kiməsə həsr edərdiz?
– Yoldaşımla uşağıma həsr edirəm.
– "Xəzər Lənkəran"a qarşı çox oynamısız. Onlar hazırda necə zəif təsir bağışlayır, ya necə?
– Bu suala cavab vermək çəkindi. Yaxşı komandadı, topu yaxşı saxlayırlar. Amma elə bil ki, bizdən çəkinirdilər.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- Ölkə futbolu2024-04-30 10:29
“Qarabağ” üçün daha bir potensial rəqib