Müsahibə
Muarem: "Sent-Etyen"i favorit hesab etmirik"
"Qarabağ"ın makedoniyalı yarımmüdafiəçisi M…
"Qarabağ"ın makedoniyalı yarımmüdafiəçisi Muarem Muaremin futbolinfo.az saytına müsahibəsi
– Sabah Avropa Liqsının qrup mərhələsində ilk matçınıza çıxacaqsız. Fransa "Sent-Etyen"i ilə oyundan nə gözləyirsiz, hazırlıq necə keçdi?
– Fransa çempionatı ağır keçir. O çempionatda çox qol vurulmur. Son oyunlarını da izlədim. Düzdü, 1:0 hesabı ilə qalib gəldilər, amma rəqibləri öz qapılarına qol vurdu. PSJ-yə 0:5 hesabı ilə uduzdular, amma digər oyunlarında az qol olur. Bizi çətin oyun gözləyir. Bu matça yaxşı hazırlaşmışıq. Ümid edirəm ki, istədiyimiz nəticəni qazanarıq.
– Rəqib futbolçular açıqlamalarında "Qarabağ"ı tanımadıqlarını deyirlər. Bunu necə şərh edərdiz? Sizcə, komandanızı zəif rəqib gördükləri üçün çox maraqlanmırlar?
– Əslində düz deyirlər. Çünki Avroliqada ilk dəfə qruplarda çıxış edəcəyik. Bu səbəbdən də bizi tanımamaları normaldı. Amma biz oyuna çıxıb, əlimizdən gələnin ən yaxşısını etməyə çalışacağıq. Bəlkə bizi favorit hesab etmirlər. Elə biz də onları nə qrupda, nə də bizlə oyunda favorit hesab etmirik. Biz meydana çıxıb, öz oyunumuzu oynamağa çalışacağıq. Əgər öz oyunumuzu göstərə bilsək, problem yaşayacağımızı hesab etmirəm.
– Bəs sizdə vəziyyət necədi? Rəqibi kifayət qədər öyrənə bilmisiz?
– Bəli, biz də onların matçlarını izləyirik. Amma hər turnirin oyunları fərqli olur. Ola bilər ki, çempionatda başqa, Avroliqada başqa oyun göstərsinlər. Bu səbəbdən də onların taktikasını, necə oynadıqlarını 100 faiz öyrənə bilməzsiz. Buna görə də ilk matça çıxıb, oynamaq lazımdı. Biz oyun taktikamızı onlara görə qurmayacağıq, sadəcə çıxıb, öz oyunumuzu oynayacağıq. Mən belə düşünürəm.
– Türkiyə millisinin futbolçusu Mevlüt Ərdinç də "Sent-Etyen"də çıxış edir. O da komandanın aparıcı futbolçularından biridi. Ümumiyyətlə, rəqib komandada daha çox ehtiyatlandığınız, çəkindiyiniz futbolçu varmı?
– Yox, elə bir futbolçu yoxdu. Amma Mevlütü Türkiyə millisindən tanıyıram. O, komandasında ən yaxşı oyunçulardan biridi.
– İlk oyununuzun Bakıda keçirilməsi sizin üçün müsbət haldı, ya necə?
– Təbii ki, müsbət haldı. Azarkeşlərimiz qarşısında oynamaq yaxşıdı. Evdəki oyunlarımızda necə ab-hava olduğunu hamı bilir. Bu dəfə də elə ab-hava gözləyirik. İnanırıq ki, azarkeşlərimiz bu dəfə bizi daha çox dəstəkləyəcək. Çıxıb, qalib gəlmək istəyirik.
– Oyunun keçiriləcəyi stadiona yeni ot örtüyü döşənib. Baş məşqçiniz Qurban Qurbanov gedib meydançanı yoxlayıb. Siz də gedib, baxdınızmı? Ümumiyyətlə, meydançanın hazırkı vəziyyətindən xəbəriniz varmı?
– Meydança ilə bağlı hələ bir şey görməmişik. Bu gün gedib, orada məşq edəcəyik. Amma yeni ot örtüyünün döşənməsindən xəbərimiz var. Ümid edirəm ki, yaxşı olar. Təbii ki, 100 faiz hazır olmayacaq. Çünki ot örtüyü yenidi. Hesab edirəm ki, əvvəlkindən daha yaxşı olar. Baş məşqçimiz bizə sadəcə, onu dedi ki, meydança hazırdı və bu gün orada məşq edəcəyik. Məşq zamanı myedançanın necə olduğu daha yaxşı bilinəcək.
– Qrupda "Sent-Etyen"dən başqa İtaliya "İnter"i və Ukrayna "Dnepr"i də sizin rəqibinizdi. Bu qrupdakı şansınızı necə dəyərləndirərdiz?
– Əslində bu barədə danışmaq hələ tezdi. Amma çətin qrupdu. İstər "Dnepr"i, istərsə də "İnter"i hamı tanıyır. Məncə, çox çətin qrupdu. Amma biz əlimizdən gələni edəcəyik. Bundan əvvəl bu rəqiblərdən daha güclü olan Avstriya "Zalsburq"u ilə oynadıq. Onları burada məğlub etsək də, səfərdə uduzduq. Hesab edirəm ki, hər komanda ilə oynamaq olar. Məncə, elə də problem yaşamayacağıq. Hətta deyərdim ki, bu dəfəki oyunlarımız daha rahat olacaq. Çünki təsnifat mərhələlərindəki oyunlar daha gərgin olur. İlk oyundan yaxşı nəticə qazanmaq istəyirsən. Amma belə daha rahatdı. Bir oyunda qalib gələndə 3 xal qazanırsan. Məncə, bizdə gərginlik olmayacaq. Hər birimizin qrupdan çıxmaq şansımız var. Özümüzü nə favorit nesab etmirəm, nə də autsayder.
– Bakıda qrup mərhələsinin ilk matçına çıxacaqsız. Azarkeşlərinizə hər hansı bir ismarıcınız var?
– Azarkeşlərimizə ismarıcım odu ki, bizi yaxşı dəstəkləsinlər. Ola bilər ki, erkən qolla geriyə də düşə bilərik, amma onlar bizə inansınlar və sona qədər dəstəkləsinlər.
ELMAR VƏLİYEV
- Milli komanda2024-05-03 08:00
Vay(ss) bizim halımıza?
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq
- Ölkə futbolu2024-05-03 14:00
“Neftçi”nin riskli seçimi: lazımsız legionerlə 4 illik müqavilə bağlayırlar