Əvəzedicilər
“Göyəzən”lə “Rəvan” sevinməyəcək, baş məşqçi diskvalifikasiya ediləcək
1-ci divizionun son turunda keçirilən “Mil-Muğan”…
1-ci divizionun son turunda keçirilən “Mil-Muğan” – “Turan-T” oyununda reallaşan qayda pozuntusuyla bağlı yeni xəbərlər gəlməkdədi. İmişli klubu 1990-cı il doğumlu Orxan Məhərrəmlinin ad, soyad və təvəllüdünü dəyişərək, 1993-cü il doğumlu Fərid İbrahimli adıyla oynadırmış və məsələnin üstünü açan Tovuz klubunun prezidenti Namiq Məstanov rəqibə texniki məğlubiyyət verilməsinə nail olacaq.
Amma maraqlıdı ki, hətta Peşəkar Futbol Liqasının prezidenti Ramin Musayevin “Mil-Muğan”a bu mövsüm keçirdiyi bütün oyunlarda texniki məğlubiyyət veriləcəyini açıqlamasından sonra da AFFA İntizam Komitəsi fərqli qərar verməyə hazırlaşır. Bu qurum “Mil-Muğan” – “Göyəzən” (6:1) və “Rəvan” – “Mil-Muğan” (1:1) matçlarının nəticəsini dəyişmək fikrində deyil və yalnız “Mil-Muğan” – “Turan-T” (1:0) oyununda meydan sahiblərinə məğlubiyyət veriləcək.
İntizam Komitəsi “Göyəzən”lə “Rəvan”ın vaxtında – oyundan 24 saat sonrakı müddətdə şikayət etməməsini əsas götürərək belə qərar verməyə hazırlaşır. Çəkiliş keyfiyyətsiz olduğundan oyunların videogörüntüləri vasitəsi ilə də meydana hansı futbolçunun çıxdığını müəyyənləşdirmək çətin olduğundan İntizam Komitəsi İmişli klubuna güzəşt etmək niyyətindədi. Buna Qazax təmsilçisinin, eləcə də “Rəvan”ın hansı reaksiyanı göstərəcəyi maraqlıdı.
Məsələylə bağlı “Göyəzən”dən kiminsə fikrini öyrənə bilmədik. “Rəvan”ın məətbuat xidmətinin rəhbəri Şamo Quliyev isə bunları dedi: “Biz bununla bağlı AFFA və PFL-ə müraciət edəcəyik. Yəqin ki, onlar da buna baxıb, fikirlərini bildirəcəklər. Hansısa bir proses bilinirsə, 24 saat sonra müraciət olunur. Ancaq bu, tamam fərqli məsələdi. Qaydalar pozulub və bunu heç kim bilməyib. Bilsəydik, müraciət edərdik. “Turan-T” də bunu stadionun diktorunun səhvindən sonra bilib. Klub rəsmiləri də görüblər ki, belə bir oyunçu protokolda yoxdu. Bizim klub nümayəndələri buna nəzarət etməlidi. Amma federasiyanıın göndərdiyi adamlar da belə şeylərə diqqətlə yanaşmalıdı. Mənə elə gəlir ki, bu məsələyə baxılıb, öz həllini tapacaq. Videogörüntülər də var. Görüntülərdə hər şey görünür”.
İstənilən halda, bu məsələ sabah həllini tapacaq. Ziyan çəkmiş digər iki klub vaxtında tərpənməsə, yəqin ki, yalnız “Turan-T” texniki qələbəyə sevinəcək. İmişli klubundan isə zənglərimizə cavab verməyə belə cəsarət etməyən baş məşqçi Mətləb Məmmədovun 2 il müddətinə futboldan uzaqlaşdırılacağı gözlənilir. Səbəbkar futbolçu da ciddi cəzalanacaq.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-23 08:00
“Səbail” “Sabah”a uduzsa…
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”