Ölkə futbolu
MY Futbol Məktəbinə seçim prosesi başladı (FOTOLAR)
Xəbər verdiyimiz kimi, Bayıl stadionunda Bakıda daimi fəaliyyət …
Xəbər verdiyimiz kimi, Bayıl stadionunda Bakıda daimi fəaliyyət göstərəcək Mançester Yunayted Futbol Məktəbinin açılışına həsr olunmuş mətbuat konfransı keçirilib. Futbolinfo.az xəbər verir ki, AFFA-nın baş katibi Elxan Məmmədovun, Bakcell şirkətinin baş icraçı direktoru Riçard Şirerin, İngiltərənin "Mançester Yunayted" klubunun Marketinq direktoru Conatan Riqbinin və klubun sabiq futbolçusu Mikael Silvestrenin iştirakı ilə keçirilmiş mətbuat konfransında məktəb barədə ətraflı məlumat verilib, jurnalistlərin sualları cavablandırılıb.
Mətbuat konfransı başa çatdıqdan sonra iştirakçılar və mətbuat nümayəndələri Mançester Yunayted Futbol Məktəbinin seçim prosesini izləyiblər.
Xatırladq ki, ilkin mərhələdə məktəbin istedadlar qruplarında hər birində 16 uşaq olmaqla 32 uşaq oxuyacaq. İstedadlar qruplarında təhsil pulsuz olacaq. Uşaqlar hər bir kateqoriya üzrə Mançester Yunayted klubundan ezam olunan məşqçilər tərəfindən seçim prosesində seçiləcəklər.
İstedadlar qrupları və kommersiya əsaslı qruplar iki yaş qrupu üzrə təşkil olunacaq:
1) U8/U9 – (2006 və 2007-ci il təvəllüdlü) – 16 uşaq
2) U10/U11 – (2004 və 2005-ci il təvəllüdlü) – 16 uşaq
Məşqlər Mançester Yunayted futbol məktəbindən ezam olunan məşqçilər və iki nəfər yerli məşqçi assistenti tərəfindən keçiriləcək. Məşqlərə başlamamışdan əvvəl uşaqlara ingilis dili tədris olunacaq (məşqdən əvvəl həftədə ən azı iki dəfə). (AFFA)
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- I Liqa2024-04-30 14:45
“Araz Saatlı”nın məşqçisinə 2 oyunluq cəza