Müsahibə
Ansi Aqolli: "İtaliyaya Milan şəhərinin gözəlliyini seyr etmək üçün getmirik"
"Qarabağ"ın albaniyalı müdafiəçisi Ansi Aqol…
"Qarabağ"ın albaniyalı müdafiəçisi Ansi Aqollinin futbolinfo.az saytına müsahibəsi
– Topaz Premyer Liqasının növbəti turunda əzəli rəqibiniz "Neftçi" ilə qarşılaşacaqsız. Həmin matça hazırlıqlar necə keçir?
– Hər şey yaxşıdı. Hazırlaşırıq. Məşqlərimiz yaxşı keçir. Çalışırıq ki, yaxşı hazırlaşıb, müsbət nəticə qazanaq.
– Bu komanda ilə oyununuz çox vaxt gərgin ab-havada keçir. Bu dəfə necə qarşılaşma gözləyirsiz?
– "Neftçi" ilə matçımız derbidi və hər dəfə maraqlı keçir. Bu oyunlarda başqa cür hisslər keçirirsən. "Neftçi" ilə oyunumuz həmişə maraqlı və baxımlı olur. Ümid edirəm ki, bu dəfə də maraqlı qarşılaşma olar.
– Klubunuzun aparıcı futbolçularından olan Çumbinyo 5, Danilo Dias isə 1 aylıq sıradan çıxıb. Onların zədəli olması çempionat və Avroliqa matçlarında sizə çox problem yaradacaq?
– Çumbinyo və Dias bizim üçün çox önəmlidi. Onlar çox səviyyəli futbolçulardı. Cari mövsüm 25 oyunçumuz var. Ümid edirəm ki, bu heyətlə heç bir problem yaşamayacağıq. Çumbinyo və Diasın da ən qısa zamanda komandaya qoşulmalarını arzulayıram.
– Oktyabrın 2-də İtaliya nəhəngi "İnter"lə qarşılaşacaqsız. Məşhur "Cüzeppe Miatsa" stadionuna çıxacağınız üçün necə hisslər keçirirsiz?
– Bəli, "İnter" Avropanın tanınmış klublarındandı. "Cüzeppe Miatsa"da "İnter"ə qarşı oynayacağımız üçün çox yaxşı hisslər keçirirəm. "Qarabağ" böyük klublara qarşı oynamağa layiqdi. Ümid edirəm ki, daha böyük uğurlar qazanarıq.
– 2 il əvvəl "Neftçi" Avroliqanın qrup mərhələsində "San-Siro"da "İnter"lə 2:2 bərabərə qaldı. Sizcə, "Qarabağ" "Neftçi"dən fərqli olaraq orada nəsə edə biləcək?
– Biz İtaliyaya Milan şəhərinin gözəlliyini seyr etməyə getmirik. Biz oraya "Qarabağ"ın necə güclü futbol oynaya bildiyini göstərmək üçün gedirik. Bu futboldu və oyunda istənilən nəticə qeydə alına bilər. Ümid edirəm ki, Bakıya yaxşı nəticə ilə qayıdarıq.
– Sizcə, 2 il əvvəl "Neftçi" ilə oynayan "İnter" güclüdü, ya indiki?
– "İnter" həmişə güclüdü. Onların çox yaxşı və fərdi ustalıq keyfiyyətinə malik oyunçuları var.
ELMAR VƏLİYEV
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- I Liqa2024-04-30 14:45
“Araz Saatlı”nın məşqçisinə 2 oyunluq cəza