Milli komanda
Plan cızıldı: Foqts gedir, Qurbanov gəlir
Futbol üzrə Azərbaycan milli komandasının baş məşqç…
Futbol üzrə Azərbaycan milli komandasının baş məşqçi postunda dəyişiklik olacaq. Futbolinfo.az xəbər verir ki, hazırda yığmanın baş məşqçisi olan Berti Foqts millidən uzaqlaşdırılacaq.
Əldə etdiyimiz məlumata görə yığmanın AÇ-2016-nın seçmə mərhələsinə uğursuz başlaması AFFA rəhbərliyini təngə gətirib. Seçmə komandanın səfərdə Xorvatiya millisindən 6 cavabsız top buraxaraq biabırçı şəkildə məğlub olması da, bardağı daşıran son damla olub. Berti Foqtsun göndərilməsinə görə AFFA İcraiyyə Komitəsinin yenidən bir araya gələcək. Müzakirələrdən sonra 6 ildi milliyə heç bir fayda verməyən Foqts yığma komandadan birdəfəlik uzaqlaşdırılacaq.
Maraq üçün bildirək ki, son oyunda Xorvatiya millisinə 0:6 hesablı məğlubiyyət ictimaiyyətin də əsəblərini tarıma çəkib. Biabırçı məğlubiyyətdə AFFA rəhbərliyi də qınaq obyektinə çevrilib. Buna görə də rəhbərlik alman çalışdırıcını göndərməklə özlərinə olan inamı bərpa etmək istəyir.
Berti Foqtsun gedişindən sonra onun hansı məşqçi ilə əvəzlənməsi də müzakirələrə səbəb olub. Bu müzakirələrdə “Qarabağ”ın baş məşqçisi Qurban Qurbanovun adı daha çox hallanır. Elə Foqtsu əvəzləyəcək məşqçilərdən ən çox şansı olan da Qurbanovdu. Yetərincə inam qazanan gənc məşqçi millinin “sükanı arxasına” keçməyə razılıq versə, o, iki posta çalışmalı olacaq. Belə ki, Qurban bəy həm də “Qarabağ”ı çalışdıracaq. Məsələyə yaxın günlərdə tam aydınlıq gələcək.
EMİN SƏFƏROV
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Digər idman növləri2024-05-09 12:52
Kramarenkonun qızı millimizdə? – “Bu, ölkəmə xəyanət olar”