Müsahibə
Zərgərov: “Komandada ab-hava yaxşı deyil”
“Simurq”un yarımmüdafiəçisi Samir Zərgərov…
“Simurq”un yarımmüdafiəçisi Samir Zərgərovun futbolinfo.az saytına müsahibəsi
– Növbəti turda “İnter”lə qarşılaşacaqsız. Komandada ab-hava necədi, hazırlığınız necə gedir?
– Hər komandaya qarşı olduğu kimi “İnter”lə də oyuna ciddi hazırlaşırıq. Komandada ab-hava yaxşı deyil. Məğlub olandan sonra hansı komandada ab-hava necədisə, bizdə də elədi. Çalışırıq ki, bunu unudub, qarşıdakı oyunlara baxaq.
– Bəllidi ki, heyətin zəif olmasına görə istəyinizə çata bilmirsiz. Belə heyətlə “İnter” kimi lider komandaya qarşı oyunda nəticə qazanmaq nə dərəcədə realdı?
– Düzdü, “İnter” hazırda liderdi. Bu, futboldu. Futbolda hər şey olur. “Bakı”nı udsaydıq, indi turnir cədvəlinin ikinci pilləsində qərarlaşmışdıq. Amma olmadı. İnşallah, qarşıdakı oyunları udub, bunu unutmaq lazımdı.
– Düşünmürsünüz ki, “Bakı” məğlubiyyəti komandada şok effekti yaratdı?
– Bəli, şok effekti yaratdı. Heç kimin gözləmədiyi məğlubiyyət oldu. İndi Premyer Liqada zəif komanda yoxdu. Hər kəs məğlub olur, qələbə qazanır.
– Keçmiş komandanıza qarşı oynayacaqsız. “İnter”lə oyunda hansı hisslərlə çıxacaqsız?
– “İnter”də 3 il oynamışam. Mənə doğma komandadı. Ancaq hər komandaya olduğu kimi, “İnter”lə oyuna da ciddi hazırlaşırıq.
– Yəqin siz də fərqindəsiz ki, “Simurq” və “İnter” komandaları qarşılaşanda qardaşlıq məsələsi gündəmə gəlir. Sizin buna münasibətiniz necədi?
– Bəli, bu, həmişə belə olur. Bu komandalar qarşılaşanda söz-söhbətlər yaranır. Mən “İnter”də də çıxış edəndə bildirmişdim ki, bu komandalar olduğu müddət ərzində söz-söhbətlər davam edəcək. Həmişə də komandalar öz oyununu oynayır. Bu dəfə də belə olacaq. Öz oyunumuzu oynayacağıq ki, matça baxmağa gələn deməsin, burada nəsə var.
– Ümumiyyətlə bu söz-söhbətlərin yaranmasına əsas səbəb nədi?
– Bunu neçə illərdi hamı danışır. Mən “İnter”də də çıxış etdiyim müddətdə belə bir şey görmədim. İnşallah, “Simurq”da da görməyəcəm.
– Ötən mövsüm “Simurq” digər komandalara baş ağrısı olsa da, “İnter” qarşısında aciz qalırdı. Bunun səbəbi nə idi?
– Aciz qalır deyəndə ki, “Simurq”u məğlub etmişik. Onlar da bizi udub. Burada qeyri-adi heç nə yoxdu. Sizi də dəvət edirik. Gəlib baxıb görəcəksiz ki, oyunda şübhəli nəsə yoxdu.
– Ola bilərmi ki, hər iki klubun bir yerdən mailiyyələşməsi bu söz-söhbətlərə təkan verir?
– Ola bilər. Hərənin öz fikri var. Hərə bir söz deyir. Mən neçə ildi bu fikirlərlə razılaşmıram. Bunu deyənlər gəlib oyuna baxır, qarşılaşmadan sonra zəng vurub fikirlərində yanıldıqlarını bildirirlər.
– Ötən mövsüm “Simurq” – “İnter” qarşılaşmasını Zaqatalada canlı izləmişdim. Digərlərini bilmirəm, amma məni şübhələndirən çox məqamlar oldu. Baş məşqçi aparıcı oyunçularına nədənsə istirahət vermişdi. Oyunu da “İnter” 1:0 hesabı ilə qalib başa vurdu…
– Bəlkə də düz deyirsiz. Amma həmin oyunda mən olmamışam. Qolu Dieqo Madriqal vurmuşdu. Düzü, həmin oyunu izləməmişdim. “İnter”də çıxış edəndə zədəli olduğum üçün Zaqatalaya getməmişdim. Ola bilər ki, kimsə zədəli olub, oyunu buraxıb. Bizim indi 2-3 futbolçumuz zədə səbəbi ilə oyunu buraxacaqsa, bu, o demək deyil ki, qəsdən uduzuruq.
– Son olaraq millimizin uğursuz çıxışı ilə bağlı sizin də fikirlərinizi bilmək maraqlı olardı…
– Milli ilə bağlı onu deyə bilərəm ki, oradakı uşaqların yerinə mən də pis oldum. İtaliya ilə oyunda pis təsir bağışlamadıq. Amma ilk dəfə qarşılaşdığımız Xorvatiya yığmasına məğlub olduq. Məncə, 3 gündən bir oyunun keçirilməsi, yorğunçuluq da öz sözünü dedi. Hələ də bunun çıxış yolunun nədə olduğunu fikirləşirəm, amma tapa bilmirəm. İnşallah, gələcəkdə belə şeyləri gələcəkdə yığışdırmaq lazımdı. Uşaqların hamısı çalışırdılar.
EMİN SƏFƏROV
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”