Müsahibə
Nazim Süleymanov: "Hər bir məşqçi yığmanı çalışdırmaq istəyər"
Futbol üzrə Azərbaycan yığmasının sabiq məşqçisi N…
Futbol üzrə Azərbaycan yığmasının sabiq məşqçisi Nazim Süleymanovun futbolinfo.az saytına müsahibəsi
– Azərbaycan millisinin baş məşqçisi Berti Foqts istefa verdi. Bu istefanı necə dəyərləndirərdiz?
– Foqts təcrübəli məşqçidi. Mən də onunla işləmişəm. Baxmayaraq ki, nəticələr yaxşı olmadı, amma bu, məşqçi həyatında olan şeylərdi. İndi də istefa verib.
– Bu istefanı gecikmiş qərar hesab etmirsiz? Çünki hamı onun daha tez ayrılmasını gözləyirdi…
– Bu il ötən ilə nisbətən hədəflər böyük idi. Ötən il mən də millidə işləyirdim. Bildiyiniz kimi, bizim qrupda olan Rusiya və Portuqaliya kimi güclü rəqiblər vardı. Portuqaliyaya hər iki matçda da uduzduq, amma Rusiyaya bir oyunda məğlub olsaq da, digərində heç-heçə etdik. Qalan oyunlarda isə bərabərlik və qələbə oldu, milli komanda çox xal yığdı. Buna görə də belə fikir formalaşdı ki, növbəti dəfə biz yer uğurunda mübarizə apara bilərik. Əgər məqsəd yoxdusa, orada iştirak etməyin nə mənası var? Əlbəttə ki, hər bir məşqçinin məqsədi var. Hamımızın məqsədi o idi ki… Hamı bilirdi ki, İtaliya və Xorvatiya qrupun favoritidi. Amma üçüncü yer uğrunda Bolqarıstan və Norveç var. Onlar da zəif komandalar deyil, amma mübarizə aparmaq istəyirdik. Alınmadı.
– Hazırda milli komandamıza baş məşqçi axtarılır. Siz belə bir təklif almamısız?
– Xeyr. Heç bir təklif almamışam.
– Təklif gəlsə, qəbul edərsiz?
– Təklif yoxdu. Amma təklif olsa, millidə çalışmaq hamının arzusudu. Hansı əsgər istəməz ki, general olsun? Düzdü? Ona görə də hər bir azərbaycanlı məşqçi istəyər ki, millinin başında olsun.
– Almaniyalı Foqtsun istefasında sonra sizcə, milli yenə əcnəbiyə tapşırılmalıdı, yoxsa yerliyə?
– Belə baxanda, əcnəbilər nəticə verə bilmir. Amma buna baxmayaraq, bu qərarı ancaq rəhbərlik verir. Əlbəttə, yerli olsa, daha yaxşı olar. Rəhbərlik əcnəbi məşqçi də gətirsə, milli hamımızındı. Hamımız da çalışmalıyıq ki, ona dəstək verək.
– Azərbaycanlı mütəxəssislər və futbol ictimaiyyətinin əksəriyyəti bu posta Qurban Qurbanovu namizəd göstərir. Sizin fikriniz necədi?
– Bəli, Azərbaycanda bəzi məşqçilər var ki, onlar da işləyə bilər.
– Hansısa məşqçinin adını çəkə bilərsiz?
– Ad çəkməyə ehtiyac yoxdu. Bilirsiz, gərək insan özünə inana. Siz mənlə danışırsızsa, söhbət məndən gedir. Millidə işləmək böyük məsuliyyət və böyük yükdü. Əgər o insan özünə güvənirsə, niyə də olmasın? İkincisi də, bu, rəhbərliyin qərarıdı, Nazim Süleymanovun yox.
ELMAR VƏLİYEV
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- Ölkə futbolu2024-04-30 10:29
“Qarabağ” üçün daha bir potensial rəqib