Müsahibə
Sadıqov: “Qarabağ”ın qrupdan çıxmaq şansı digərlərindən daha çoxdu”
Futbol üzrə Azərbaycan millisinin sabiq baş məşqçisi …
Futbol üzrə Azərbaycan millisinin sabiq baş məşqçisi Vaqif Sadıqov “Qarabağ”ın Avropa Liqasının qrup mərhələsi çərçivəsindəki “Dnepr”lə matçı ilə bağlı fikirlərini açıqlayıb. Futbolinfo.az saytına danışan təcrübəli mütəxəssis səfərdəki 1:0 hesablı qələbəni və Ağdam klubunun qrupdan çıxmaq şanslarını dəyərlərndirib.
– “Qarabağ”ın dünən Avropa Liqasının qrup mərhələsində ilk qələbəsini (1:0) qazandı. “Dnepr”lə səfər matçını necə şərh edərdiz?
– “Qarabağ”ın dünənki oyunu onu sübut etdi ki, Avropa səviyyəli güclü klubumuz var. Ona görə bir daha "Qarabağ"a uğurlar arzulayıram. Hesab edirəm ki, “Dnepr”lə növbəti oyun çox çətin və həlledici olacaq. Mütləq qələbə qazanmalıyıq ki, qrupdan çıxmaq şanslarımızı saxlayaq. Oyun barədə də onu deyə bilərəm ki, oyun “Qarabağ”ın üstünlüyü şəraitində keçdi və futbolçular baş məşqçinin bütün tapşırıqlarını həyata keçirməyə çalışırdı. Komanda rəqibi əks-hücumlarda yaxalamağa çalışırdı və bunu da bacardı. Dünənki oyunda biz tamamilə zəngin bir ”Qarabağ” komandası gördük. Avropa səviyyəli bir turnirdə sırf nəticəyə oynayan bir komanda gördük. Yenə deyirəm ki, fəxr edirik. Qurban Qurbanovla, futbolçuları ilə fəxr edirik. İnanırıq ki, “Qarabağ” qrupdan çıxmaq üçün şans tapacaq.
– Dünənki matçda “Qarabağ”ın Çumbinyo, Danilo Dias, Leroy Corc kimi bir neçə əsas legionerləri oynamırdı. Amma komandamız yenə də güclü oyun nümayiş etdirdi…
– Bundan əvvəl fikirləşirdik ki, Çumbinyo, Dias, Leroy kimi legionerləri oynamayacağı üçün “Qarabağ” hardasa zəif təsir bağışlayar. Ancaq biz bu oyunda gördük ki, “Qarabağ”ın digər oyunçuları da çox güclüdü, potensialı var. Ən vacibi isə o odu ki, “Qarabağ” dünən 6-7 yerli futbolçu ilə özünü bir daha sübut etdi.
– Reynaldonu son oyunlardakı zəif çıxışına görə mətbuat tez-tez tənqid edir. Siz braziliyalılnın dünənki oyununu necə dəyərləndirərdiz?
– Xeyr. Reynaldo yenə də aqressiv idi. Mən onu məşqçi gözü ilə dəyərləndirirdim. Biz gördük ki, o, nə qədər hücumda qalsa da, müdafiəyə kömək etmək tapşırığını da yerinə yetirməyə çalışırdı, lazım olan mövqeyi vaxtında tuturdu. Top onda olarkən, çox aqressiv və sürətli driblinqlə üstün keyfiyyətlərini ortaya qoyaraq komandasına kömək etməyə çalışırdı. Onu da qeyd edim ki, demək olar, bütün qol epizodları da onun iştirakı ilə oldu.
– Siz də qeyd etdiz ki, “Qarabağ” 6-7 yerli futbolçu ilə güclü oyun nümayiş etdirdi. Həmin yerlilərin öz komandalarındakı çıxışı ilə millidəki oyunları bir-birindən fərqlənir, ya necə?
– Hamısı məşqçinin tapşırığını yerinə yetirməyə çalışır. Bu, da onlarda yaxşı alınırdı. Bu oyunda müdafiədəki mərkəz cütlüyü, Rəşadla Bədavinin yaxşı oyununu gördük. Müdafiədə və hücumda aqressiv və fəal olan Maksim Medvedevi gördük. Burada oyunu, tempi idarə edən Qara Qarayevi gördük. Vüqar Nadirov da yaxşı idi. Hesab edirəm ki, bu oyunçular dünən potensiallarını ortaya qoydular. Onlar bu oyunla “Qarabağ”a da, yığmamıza da xeyir verə bilərlər.
– Ümumiyyətlə “Qarabağ”ın qrupdakı şansını necə dəyərləndirərdiz?
– Bəlkə də, bu, yeganə qrupdu ki, hər bir komandada şanslar qalıb. Ona görə də mən qeyd edirəm ki, “Dnepr”lə cavab matçı çox vacibdi. Mütləq burada qələbə qazanmalıyıq. Fikir versək, görərik ki, bu qrupda 12 oyun keçirilib və cəmi 4 qol vurulub. “Sent-Etyen” də özünü qolsuz neç-heçələrə həsr edib. Bunu nəzərə alsaq, hər bir komandanın şansı var. Amma “Qarabağ”ın şansı o qrupdakı digər komandalardan daha çoxdu. Çünki komandamızın 3 oyunundan ikisi Bakıdadı. “Sent-Etyen”lə oyun isə səfərdədi. Amma biz “Sent-Etyen”lə Bakıdakı oyunda üstün bir “Qarabağ” izlədik. Ümumilikdə qrupdakı hər bir komandanın şansı var və hesab edirəm ki, qrupdakı növbəti tur çox vacibdi.
ELMAR VƏLİYEV
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-23 08:00
“Səbail” “Sabah”a uduzsa…
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”