Ölkə futbolu
Bayraqsız, əsasnaməsiz Azərbaycan çempionatı
Dünən AFFA-nın U-19 Liqasının 6-cı turunun oyunları ke&cced…
Dünən AFFA-nın U-19 Liqasının 6-cı turunun oyunları keçirildi. Futbolinfo.az xəbər verir ki, maraqlı qarşılaşmalardan biri də “Bakı”nın təlim-məşq bazasının suni örtüklü meydançasında eyni adlı komanda ilə “Rəvan” arasında baş tutdu. Qarşılaşma qonaqların 3:1 hesablı qələbəsi ilə başa çatsa da, bu yarışda da çatışmazlıqlar olduğuna şahidlik etdik.
Belə ki, oyun başlayandan sona qədər matçın keçirildiyi arenada nə Azərbaycanın dövlət, nə də ən azından yarışı keçirən qurumun bayrağını görmədik. Məlumdu ki, AFFA öz keçirdiyi yarışa biganə yanaşdığı üçün stadionda öz bayrağının asılmasını tələb etmir. Bəs arenada dövlət bayrağımız niyə dalğalanmır?
Məsələni dəqiqləşdirmək üçün AFFA-ya sorğu göndərdik və aldığımız cavabda bəlli oldu ki, təsdiq olunmuş əsasnamədə bayraqla bağlı heç nə nəzərdə tutulmayıb. Bu, qurum üçün adi hal ola bilər. Buna qədər Azərbaycan çempionatlarında onlarla, yüzlərlə çatışmazlıqları üzə çıxarıb, işiqlandırsaq da, elə məsələlər var ki, hələ də öz həllini tapmayıb. Heç buna cəhd də göstərilməyib. Bəs, stadiona gələn, ən azından arenanın yanından keçən vətəndaş nə bilsin ki, bu, Azərbaycan çempionatıdı, yoxsa Gürcüstan?
Araşdırmalarımız nəticəsində məlum oldu ki, ötən mövsüm keçirilən U-19 Liqasının heç əsasnaməsi belə olmayıb. Yeni mövsümdə 6 tur geridə qalsa da, yarışın əsasnaməsi çempionatda iştirak edən klublara təqdim olunmayıb.
Çox uzağa getməyək, qardaş ölkə sayılan Türkiyədə ölkə futbol fedarsiyası tərəfindən keçirilən bütün yarışların əsasnaməsi TFF-nin rəsmi saytında yerləşdirilib. Amma bizdə tamam fərqli vəziyyətdi. Əsasnamə ilə bağlı heç bir məlumat yoxdu.
Maraq üçün bildirək ki, U-19 Liqası artıq 3 ildi ki, keçirilir. İlk ildə pilot layihə olub. 7 komandanın iştirakı ilə keçirilən çempionatın qalibi “Qəbələ” olub. “Qırmızı-qaralar” finalda “Qarabağ”ı 5:0 hesabı ilə darmadağın edib. İkinci mövsümdə isə 10 komandanın iştirakı ilə keçirilən yarışı “Bakı” çempion kimi tamamlayıb.
EMİN SƏFƏROV
P.S. 19 yaşlı futbolçuların çempionatının əsasnaməsi yoxdu. Amma digər yaş qrupları üçün tətbiq olunmuş əsasnamələrdə ən azından dövlət bayrağının stadionda yerləşdirilməsi yox, maddi məsələlər ön plana çəkilir. Misal üçün vaxtilə Azərcell U-17 Liqasının əsasnaməsində qeyd olunan maddələrdən birini diqqətinizə çatdırırıq:
Maddə 10.1: Stadionda reklam lövhələrinin yerləşdirilməsi cavabdehliyini ev sahibi komanda daşıyır. Hər oyundan sonra öncə reklam lövhələri yoxlanılacaq və çatışmazlıq varsa, bunu protokola qeyd edəcək. Həmin komanda İntizam Komitəsi tərəfindən cəzalanacaq.
Düzdü, bu yarışa sponsorluq edən şirkətin tələbi idi. Bəs görəsən, bayrağa da sponsor lazımdı?
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…