Premyer-liqa
Futbolinfo.az-ın əməkdaşı "Neftçi" azarkeşlərinin fiziki təzyiqinə məruz qaldı
Sözün düzünü demək, olanı yazmaq, probleml?…
Sözün düzünü demək, olanı yazmaq, problemləri qabartmaq yenə Futbolinfo.az-ın başını ağrıdır. Bəri başdan belə halların bizi yolumuzdan döndərməyəcəyini qeyd edib, baş vermiş hadisənin təfərrüatını açıqlayaq.
Avropa Liqası oyularında tribunaları dolduran azarkeşlər milli çempionat matçlarına bir o qədər diqqət göstərməsə də, biz yarışlar arasında ciddi fərq qoymuruq. Bu üzdən də “Qarabağ” – “Neftçi” oyununa 2 əməkdaşımızı ezam etmişdik. Matçın Azərbaycan derbisi sayıldığını nəzərə alaraq bu oyuna daha çox diqqət göstərdik və buna dəyərmiş.
Oyunun fasiləsi zamanı əməkdaşlarımızdan biri fanatların hərəkətini izləmək üçün Tofiq Bəhramov adına Respublika stadionunun ətrafını dolaşıb. Və kassaların qarşısında iki komandanın 30-dan çox azarkeşinin dalaşmasına şahid olub.
Fasilə zamanı tribunaları tərk edən azarkeşlər əvvəlcə söz duelinə çıxıb, sonra isə əlbəyaxa döyüşə girişib. Əməkdaşımız bütün bunları telefonunun yaddaşına köçürüb. Bunu görən azarkeşlər davanı dayandırıb və yalnız “Neftçi” tərəfdarları müxbirimizi dövrəyə alıb. Onlar fiziki güc tətbiq edərək davanı əks etdirən videonu sildirməyə nail olublar, Futbolinfo.az-da yeni fəaliyyətə başlayan əməkdaşımızsa, redaksiya təlimatına uyğun olaraq, köməksiz qaldığı vəziyyətdə özünü riskə atmamaq üçün dirəniş göstərməyib.
Ancaq biz bu zorakılığa göz yuma bilmərik. İşini yerinə yetirən zaman təzyiqə məruz qalan əməkdaşımızın hüququnu sonadək müdafiə edəcəyik. İş burasındadı ki, hadisə stadion ərazisində baş verməyib. Ona görə də nə Peşəkar Futbol Liqasını, nə də təhlükəsizliyə görə cavabdeh olan meydan sahibi “Qarabağ”ı qınaya bilmərik. Bu məsələdə günah sahibi oyun zamanı stadionda və onun kənarında asayişi qorumalı olan polis işçiləridi. Ümid edidik ki, Ağdam klubunun rəhbərliyi oyunda təhlükəsizliyi təmin etmək üçün dəvət etdiyi DİN əməkdaşlarından bununla bağlı hesabat istəyəcək. Çünki hadisə hər nə qədər stadion ərazisində olmayıbsa belə, arenanı tərk edən kütlənin hərəkətinə nəzarət edilməlidi.
Hadisələrin videoyaddaşa köçürülməsini görüb bunun ləğvinə nail olan “Neftçi” fanatlarının hərəkətinə görə isə birbaşa klub cavabdehdi. Bakılıların mətbuat xidmətinin rəhbəri Gündüz Abbaszadə “klubumuzun rəsmi fan-klubu yoxdur” deyərək yaxasını kənara çəksə də, hər halda, şeypurçalanı klubda rəsmi vəzifəyə təyin edən “Neftçi” onları dəstəkləyənlərin azarkeşlərin hansı hoqqalardan çıxmasından xəbərdar olmalıdı. Bu, onların mənəvi borcudu. Abbaszadə belə halları pislədiklərini, hadisəylə bağlı imkan daxilində araşdırma aparacaqlarını vəd etdi. Ancaq biz daha ciddi tədbirlər gözləyirik. Çünki əməkdaşımız həmin videonu telefonunun yaddaşından silməyə etiraz etsəydi, ona fiziki xəsarət də yetirilə bilərdi.
Real addım atmanızı gözləyirik…
FUTBOLİNFO.AZ
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Premyer-liqa2024-05-04 18:23
“Kəpəz”dən “Sumqayıt”la əzmkar heç-heçə
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO