Dünya futbolu
"Mançester Yunayted"in futbolçusu oyun satmaqda ittiham olunur
"Mançester Yunayted"in ispan futbolçusu Ander …
"Mançester Yunayted"in ispan futbolçusu Ander Errera rüşvət qalmaqalı ilə bağlı son günlər haqqında səsləndirilən ittihamları rədd edib. Futbolinfo.az xəbər verir ki, 25 yaşlı yarımmüdafiəçi 2010/11 mövsümündə "Saraqosa"da çıxış edərkən "Levante"yə qəsdən uduzmaqda günahlandırılır.
İddiaya görə, futbolçuların uduzması üçün ayrılan pul Errera da daxil olmaqla bir neçə oyunçu tərəfindən "Levante"yə çatdırılıb. Valensiya təmsilçisinin uduzması üçün 770 min avro ödənildiyi ortaya çıxarılıb. Rüşvətlə bağlı cinayət işinə ümumilikdə 41 nəfər cəlb olunub.
25 yaşlı futbolçu “facebook” hesabında paylaşdığı yazı ilə məsələyə münasibət bildirib: “Saraqosa"nın cəlb olunduğu məhkəmə araşdırmasına mümkün şahidlər qismində 41 nəfərin ifadəsi alınıb. Bu klubda 12-22 yaşlarımda oynamaq mənə nəsib olub və şahidlərin arasında mən də varam. Heç vaxt danışılmış oyunlarda iştirak etməmişm və etməyəcəm də. Dindirilmək üçün nə vaxtsa məhkəməyə çağrılsam, məmnuniyyətlə gedəcəm. Mənim vicdanım təmizdi. Futbolu sevirəm. Meydanda və meydandan kənarda ədalətə inanıram".