Dünya futbolu
Cerrard özü açıqladı, “Liverpul”dan ayrılır
"Liverpul"un canlı əfsanəsi Stiven Cerrard mövsü…
"Liverpul"un canlı əfsanəsi Stiven Cerrard mövsümün sonunda komandadan ayrılacaq. Futbolinfo.az xəbər verir ki, 1998-ci ildən bəri mersisaydların formasını geyən ingilis futbolçu bu haqda qərarını özü rəsmən açıqlayıb:
"Həyatımın ən çətin qərarıdı. Həyatımızın ən yaxşı günlərində mənim və ailəmin üzülməsinə səbəb oldu. Qərarımı indi açıqlayıram, çünki istəmirəm ki, baş məşqçi və komanda yoldaşlarımın mənim gələcəyimlə bağlı olan məsələlərlə əlaqədar diqqətləri yayınsın. "Liverpul" həyatımızın böyük bir parçası oldu və klubla vidalaşmaq mənim üçün çox çətindi. Ancaq hiss edirəm ki, bu, ailəm və klub üçün ən yaxşısıdı. Futbol oynamağa davam edəcəyəm. Harada oynayacağımı hələlik dəqiqləşdirməmişəm. Dəqiq olan odur ki, "Liverpul"un rəqiblərindən birində çıxış etməyəcəm. Belə bir şeyi heç vaxt düşünmərəm. Qərarım özümlə əlaqədardı. Həyatımda və karyeramda başqa şeyləri yoxlamaq istəyirəm. Təkcə Brendan Rodcers və klub sahiblərinə deyil, komanda yoldaşlarım və məni dəstəkləyən hamıya təşəkkürümü bildirirəm. "Liverpul"un mənim üçün həmişə xüsusi yeri olacaq. Bütün səmimiyyətimlə ümid edirəm ki, bir gün yenə hansısa bir şəkildə kluba xidmət edəcəyəm. Sonuncu sözüm "Liverpul"u dünyanın ən böyüyü edən azarkeşlərədi. Sizi həm futbolçu, həm də kapitan kimi təmsil etmək qürurverici idi. Sizin qarşınızda oynadığım hər saniyə mənim üçün əzizdi. Mövsümü və "Liverpul" karyeramı mümkün olduqca ən yuxarı pillədə başa vurmağa çalışacağam".
Karyerası boyu yalnız "Liverpul" forması ilə oynayan Cerrard ümumilikdə 695 rəsmi matçda meydana çıxıb. O, "qırmızılar"ın heyətində 10 kubok qaldırsa da, bunların arasında İngiltərə çempionluğu yoxdu.
Cerrardın adı MLS-də çıxış edən "Los Anceles Qalaksi" klubu ilə hallanır.