Digər idman növləri
2024-cü ilin ən vacib beynəlxalq yarışları
2024-cü il artıq başlayıb. Bu il ərzində idmansevərləri maraqlı hadisələr gözləyir. Həm ölkə daxilində, həm də xaricdə bir-birindən maraqlı yarışlar olacaq.
Bu yazıda sizi beynəlxalq aləmdə baş tutacaq ən vacib idman hadisələri ilə tanış edirik:
Tennis. Avstraliya Açıq Çempionatı (15-28 yanvar)
Tennis aləmində “Böyük dəbilqə” seriyasından olan ilk turnir
Biatlon. Dünya Çempionatı (7-18 fevral)
Mövsümün əsas biatlon turnirinə Çexiya ev sahibliyi edəcək.
Amerika futbolu. Super Boul (11 fevral)
Dünya idmanında ən parlaq şoulardan biri: ulduzların çıxışları, böyük reklamlar.
Boks. Aleksandr Usik – Tayson Fyuri döyüşü (17 fevral)
2024-cü ildə dünya boksunda ən çox gözlənilən hadisə. Döyüş 2023-cü ilin dekabrında keçirilməli idi, lakin təxirə salınmışdı.
Formula 1. Mövsümün açılışı (2 mart)
Avtoidman həvəskarlarının səbirsizliklə gözlədiyi birinci mərhələ Bəhreyndə olacaq.
Şahmat. İddiaçılar turniri (2-25 aprel)
Dünya çempionluğu tacı uğrunda matça çıxmaq üçün turnir. Yarışda həmyerlimiz Nicat Abbasov da olacaq.
Snuker. Dünya çempionatı (20 aprel – 6 may)
Snuker mövsümünün əsas yarışı. Ronni O’Sallivan səkkizinci titulunu qazanmağa çalışacaq.
Hokkey. Dünya çempionatı (10-26 may)
Hokkey komandalarının mübarizəsi yenə də Rusiyasız baş tutacaq. Ancaq bu, oyunun əsl pərəstişkarlarını qətiyyən narahat etmir.
Tennis. Roland Qarros (26 may – 8 iyun)
Rafael Nadalın dönüşündən sonra hər kəsi onun Fransada necə çıxış edəcəyi maraqlandırır.
Hokkey. NHL. Pley-off oyunları (may-iyun)
Futbol. Çempionlar Liqasının finalı (1 iyun)
Futbol. Avro2024 (14 iyun – 14 iyul)
Bir ay möhtəşəm futbol bayramı. Əsrarəngiz Almaniya stadionları Avropanın ən güclü komandalarının azarkeşlərini qoynuna alacaq. Favoritlər isə həddindən artıq çoxdur.
Velosiped. “Tour de France” (29 iyun – 21 iyul)
Mövsümün ən parlaq velosiped yarışı.
Tennis. “Wimbledon” (1-14 iyul)
2023-cü ildəki final matçı ilə tarixə düşməyə namizəd olan turnir bu dəfə də parlaq olmalıdır.
Yay Olimpiya oyunları. (26 iyul – 11 avqust)
Bütün yay idman növlərinin nümayəndələri üçün ilin əsas turniri. Parisdəki oyunlar dünyada sülhün bərqərar olmasına yardım etməlidir.
Tennis. US Open (26 avqust – 8 sentyabr)
Tennis. ATP Finalları (10-17 noyabr)