Ölkə futbolu
“Qəbələ”də durmaq yox: Komanda yoxlama matçı keçirdi
2014-15 mövsümünün ikinci yarısına “Bakı&…
2014-15 mövsümünün ikinci yarısına “Bakı” üzərində 2:0 hesablı səfər qələbəsi (1 yanvar) ilə başlayan “Qəbələ” ötən gün yoxlama oyununda qüvvəsini sınayıb. Futbolinfo.az xəbər verir ki, “qırmızı-qaralar” Azərbaycan çempionatının 1-ci divizionunda çıxış edən “Zirə”ni sınağa çəkib.
ADBTİA-nın stadionunda keçirilən qarşılaşmada “Qəbələ” qalib gəlib – 3:1.Yoxlama oyununun taleyini ilk yarıda iki qol vuran Mixail Sivakov həll edib. Belaruslu legioner 10-cu və 42-ci dəqiqələrdə rəqib qapısına yol tapıb. “Qırmızı-qaralar”ın 3-cü qolunu isə Ekiqo Ehiosun vurub. O, matçın 67-ci dəqiqəsində zirəliləri məyus edib.
Qeyd edək ki, “Qəbələ” Topaz Premyer Liqasında növbəti oyununu fevralın 6-da öz meydanında AZAL-a qarşı keçirəcək.
Bu qarşılaşmada “Bakı” ilə matçda meydana çıxmayanlar və meydanda o qədər də çox vaxt keçirməyənlər, həmçinin əvəzedici heyətin üzvləri meydana çıxıb: Anar Nəzirov (Cavidan Hüseynzadə), Ruslan Tağızadə, Sadiq Quliyev, Aleksandru Benqa (Sahil Mirzəyev), Bəhlul Mustafazadə, Adrian Ropotan, Emin Zamanov , Ekiqo Ehiosun (Ehtiram Şahverdiyev), Mixail Sivakov, Tellur Mütəllimov (Qismət Alıyev), Ramin Həsənov.
(Klub saytı)