Premyer-liqa
“Neftçi” nəyi gözləyir?
Tərlan Əhmədov “Neftçi”yə sabiq baş məşq&cce…
Tərlan Əhmədov “Neftçi”yə sabiq baş məşqçi Böyukağa Hacıyevin köməkçisi kimi gəlmişdi. İş elə gətirdi ki, bakılılar Çempionlar Liqasının elə ilk təsnifat mərhələsində Albaniya “Skenderbeu”suna məğlub oldu və paytaxt klubunun rəsmiləri dəyişikliyə əl atdı.
Hacıyev hələ bu oyundan öncə açıqlama vermişdi ki, “mərhələ adlamasaq, istefa verəcəm”. Tale onu iddialı açiqlamasına görə tez cəzalandırdı. Albanlar özündən güclü “Neftçi”ni yolundan, Böyükağa bəyi də postundan kənarlaşdırdı. Hacıyevin ölkə çempionatının gedişində tez-tez AFFA rəhbərliyi əleyhinə bəzən yerində, bəzən yersiz açıqlamaları, eləcə də onun bütün klubların bostanına daş atması, az qala hamının qarasınca danışması onsuz da kreslosunu laxlatmışdı. “Skenderbeu”ya məğlubiyyət isə ayrılıq üçün yerinə düşən bəhanə oldu.
Hacıyevin postundan göndərilməsi kimi yerinə Əhmədovun təyin edilməsi də gözlənilən idi. Çünki Sadıq Sadıqov “Neftçi”nin prezidenti olduğu müddətdə klubun əhatə dairəsini genişləndirməməsinə adət etmişik. Arif Əsədov əvəzedici komandadan baş məşqçi postuna gətirilmişdisə, Hacıyev sırf şəxsi tanışlığın sayəsində “Neftçi”də peyda oldu. Tərlan bəy də buna kimi köməkçi-məşqçi olduğundan onun seçilməsi normal idi.
Ancaq bu işdə “əmma” doğuran məqam odu ki, Əhmədova etimad tam deyil. Mövsum başlayanı liderlər qrupunda lövbər salan, heç bir rəqibindən aşkar geri qalmayan flaqmanda hələ də gənc məşqçiyə əvəzedici gözüylə baxırlar. Tərlan bəyə bu post tapşırılanda rəhbərlik ona 6 oyunluq şans verildiyini açıqlamışdı. İndi isə 10 tur geridə qalıb və Əhmədovla bağlı qərar hələ də verilməyib. O isə sanki tikan üstdə əyləşib: istənilən uğursuz oyun sonun başlanğıcı ola bilər. Təbii ki, belə qeyri-müəyyən vəziyyət də komandada gərginlik yaradır, işə köklənməyə əngəl törədir.
Bəs səbəb nədir: “Neftçi” Əhmədovu niyə rəsmən baş məşqçi kimi təyin etmir?
Tərlan bəy özu səmimi olmayan açıqlama verir: “Biz məşqçilər korpusu olaraq birlikdə çalışırıq. Burada önəmli olan bizim birliyimizdi. Bütün qərarlar da bir yedə qəbul olunur. İnanın ki, baş məşqçinin olub-olmaması yadıma da düşmür”.
Klub rəhbərliyi isə bu barədə susur. Ancaq bizdə olan bilgiyə görə, susqunluğun səbəbi var. Sadıqov daha təcrübəli məşqçi sorağındadı ki, növbəti büdrəmə olan kimi Əhmədovu əvəz etsin. Artıq bununla bağlı axtarışlar başlayıb. Yerli çalışdırıcı arzulayan Sadıq bəy Yunis Hüseynovla Şahin Diniyevdən birini seçmək istəyib. Yunis bəyin hansı səbəbdən imtina etdiyini dəqiqləşdirə bilməsək də, Diniyev şəxsi səbəblərdən təklifi yaxın buraxmayıb. Həmin vaxt hələ “Rəvan”la anlaşmayan Şahin bəy yüksək müqavilədən hazırkı məşqçilər korpusunun qalması şərtinə görə imtina edib. Klub rəhbərliyi həm Əsədovun, həm də Hacıyevin vaxtında çempion olduğundan düşünür ki, növbəti hədəfə çatmaq üçun baş məşqçi postuna sözəbaxan birini qoymaq lazımdı. Amma klub prezidentinin zəngi ilə oyunçu dəyişməyi, heyət qurmağı qəbul etməyən Diniyev bu təklifdən imtina edib.
Hər halda tezliklə sözəbaxan biri tapılacaq və yəqin ki, Əhmədov yenə köməkçi postuna qayıdacaq. Ancaq bu barədə qərarı tez vermək lazımdı. Çempionluğa oynayan komandanın baş məşqçisi əvəzedici olmamalıdı – ya Əhmədov rəsmən təsdiqlənməli, ya da xələf müəyyənləşməlidi. Həm də bu qərar Super Kubok oyununun nəticəsinə görə verilməməlidi.
CAVAD
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”