Premyer-liqa
Çempionla sınaq və "qardaşlar"ın dueli
Sabah Topaz Premyer Liqasında 24-cü turun oyunları start gö…
Sabah Topaz Premyer Liqasında 24-cü turun oyunları start götürəcək. Futbolinfo.az xəbər verir ki, AZAL-ın istirahət edəcəyi həftədə bütün matçlar bir gündə keçiriləcək.
İlk qarşılaşma “İnter Arena”da baş tutacaq. “İnter” doğma arenada “Simurq”u sınağa çəkəcək. Bu komandaların baş məşqçilərinin həmyerli olduğunu nəzərə alsaq, qarşılaşmanı gürcü məşqçilərin dueli də adlandırmaq olar. Eyni mənbədən maliyyələşən “qardaşlar”ın duelində bakılıları matçın favoriti saymaq olar. Son turda AZAL-la bərabərə qalan paytaxt klubu bu dəfə də xal itirəcəyi təqdirdə çempionluq yolunda ciddi zərbə almaqla yanaşı, turnir cədvəlinin 3-cü pilləsinə düşə bilər. Son 2 matçda qələbə qazana bilməyən Zaqatala təmsilçisi isə əsas rəqiblərindən olan AZAL-ın bu həftə meydana çıxmaması və “Qəbələ”nin “Qarabağ”la çətin səfər oyunundan yararlanıb, avrokuboklara vəsiqə verən 4-cü pillədəki mövqeyini bərkitmək üçün bu qarşılaşmadan ən azı bir xalla ayrılmağı düşünür. Cari mövsümdə keçirilən hər iki görüşdə “qardaşlar” meydandan "sülh"lə ayrılıblar. İndiyədək 22 dəfə üzləşən komandaların duelində bakılıların əzici üstünlüyü var. Belə ki, 15 dəfə meydandan 3 xalla ayrılan “bankirlər” 4 dəfə bu rəqibindən 1 xal almağa nail olub. 3 dəfə rəqibini məğlub etməyi bacaran əyalət təmsilçisi isə rəqibdən buraxığı 33 qola cəmi 12 topla cavab verə biliblər. Bundan əlavə, “sarı-qaralar”, Kaxaber Sxadadzenin yetirmələrinə qarşı keçirdiyi son 5 oyunun heç birində qalib gələ bilməyiblər.
Günün 2-ci qarşılaşmasında isə Sumqayıtda şəhərineyni adlı komandası “Neftçi”ni qəbul edəcək. Qış fasiləsindən sonra bütün matçlarını bərabərliklə başa vuran və çempionatda heç bir iddiası olmayan “kimyaçılar”ın bu qarşılaşmada da meydana ən azı məğlub olmamaq üçün çıxacağı aydındı. “Qarabağ”a məğlubiyyətdən sonra həftəarası 3-cü turdan təxirə salınmış oyunda AZAL-ı səfərdə üstələyən bakılıların isə çempionluq şansının qalmadığını demək olar. Elə flaqmanın futbolçuları da öz açıqlamalarında bunu etiraf ediblər. İlk yarıda keçirilən hər iki görüşdə bu rəqibini çətinliklə məğlub edən Arif Əsədovun komandası üçün bu oyunun da çətin keçəcəyini düşünmək olar. İndiyə qədər 10 dəfə üz-üzə gələn komandaların duelində bakılıların rəqibindən hər mənada 2 qat üstünlüyü var. Belə ki, rəqibinə 6 dəfə qalib gəlib, 3 dəfə məğlub olan “ağ-qaralar”, 1 oyunda isə xalları yarıya bölüb. Vurulan 24 topun müqabilində isə qapısında 12 qol görüb.
Əyalətdə baş tutacaq yeganə oyunda isə eyni aqibəti yaşayan komandalar üz-üzə gələcək. Belə ki, bir vaxtlar çempionatın iddialılarından sayılan “Xəzər Lənkəran” və “Bakı” Lənkəranda münasibətlərinə aydınlıq gətirəcəklər. 3-cü dövrədə keçirdikləri bütün matçları xal itkisi ilə başa vuran komandaların bu qarşılaşmada bir-birlərinə potensial 3 xal gözü ilə baxacağını düşünmək olar. Cari mövsümdə 2 dəfə üzləşən komandaların oyununda Lənkəran təmsilçisi rəqibindən 4 xal almağa müvəffəq olub. İndiyə qədər 30 dəfə üz-üzə gələn komandaların duelində 8 görüşdə ”gəmiçilər” qalib gəlibsə, “zolaqlılar” rəqibindən bu mənada 1 dəfə çox sevinib. 13 oyunda isə tərəflər meydandan bərabərliklər ayrılıb. Top fərqində isə “ağ-yaşıllar” rəqibi üstələyir 32:29.
Paytxatda baş tutacaq sonuncu görüşdə isə turnir cədvəlinin lideri “Qarabağ” öz meydanında “Qəbələ”ni qonaq edəcək. Maraqlıdı ki, ilk turda “Sumqayıt”dan alınan texniki məğlubiyyəti saymasaq, bu mövsüm son çempionu məğlub edən yeganə komanda məhz qəbələlilərdi. Qış fasiləsindən sonra bütün oyunlarda meydandan qələbə ilə ayrılan “atlılar”ı bu cütün də favoriti saymaq olar. Son 3 oyunda Reynaldonun vurduğu qollarla rəqiblərini minimal hesabla məğlub edən Qurban Qurbanovun yetirmələrinin çempion olacağı artıq bir çoxlarında şübhə yaratmır. Ötən tur zəifləmiş “Xəzər Lənkəran”ı məğlub edən “ağ-qırmızılar” isə avrokuboklara iddiasını davam etdirmək üçün bu matçda qalib gəlmək şansı isə çox azdı. Elə statistikaya nəzər salsaq, bunun şahidi olarıq. Belə ki, Roman Qriqorçukun yetirmələri son 8 oyunun 7-də ağdamlılara məğlub olub. Cari mövsümdə 2 dəfə üz-üzəgələn komandaların duelində tərəflər hərəyə 3 xal qazana biliblər. Ümumilikdə isə 26 dəfə qarşılaşan əyalət təmsilçilərinin oyununda ağdamlılar 13 dəfə qalib gəlibsə, 6 dəfə də bu uğura qəbələlilər imza atıb. 7 görüşdə isə bərabərlik qeydə alınıb. Elə topların fərqində də son Azərbaycan çempionu üstündü 36:23.
Topaz Premyer Liqası
24-cü tur
24-cü tur
28 fevral (şənbə)
15:00. “İnter” – “Simurq”
Hakimlər: Əliyar Ağayev, Zeynal Zeynalov, Vüqar Bayramov, Munis Abdullayev
Əlavə köməkçi hakimlər: Orxan Məmmədov, Vüsal Əliyev
AFFA nümayəndəsi: Elbrus Abbasov
Hakim-inspektor: Rövşən Əhmədov
“İnter Arena”
Hakimlər: Əliyar Ağayev, Zeynal Zeynalov, Vüqar Bayramov, Munis Abdullayev
Əlavə köməkçi hakimlər: Orxan Məmmədov, Vüsal Əliyev
AFFA nümayəndəsi: Elbrus Abbasov
Hakim-inspektor: Rövşən Əhmədov
“İnter Arena”
16:00. “Sumqayıt” – “Neftçi”
Hakimlər: Ramil Diniyev, Azər Əsgərov, Elşən Acalov, Xəlil Xəlilov
AFFA nümayəndəsi: Maşallah Əhmədov
Hakim-inspektor: Murad Məmmədov
“Kapital Bank Arena”
Hakimlər: Ramil Diniyev, Azər Əsgərov, Elşən Acalov, Xəlil Xəlilov
AFFA nümayəndəsi: Maşallah Əhmədov
Hakim-inspektor: Murad Məmmədov
“Kapital Bank Arena”
17:00. “Xəzər Lənkəran” – “Bakı”
Hakimlər: Ömər Paşayev, Namiq Hüseynov, Kamran Bayramov, Elvin Əsgərov
AFFA nümayəndəsi: Oqtay Abdullayev
Hakim-inspektor: Asim Xudiyev
“Xəzər Lənkəran” mərkəzi stadionu
Hakimlər: Ömər Paşayev, Namiq Hüseynov, Kamran Bayramov, Elvin Əsgərov
AFFA nümayəndəsi: Oqtay Abdullayev
Hakim-inspektor: Asim Xudiyev
“Xəzər Lənkəran” mərkəzi stadionu
17:00. “Qarabağ” – “Qəbələ”
Hakimlər: İnqilab Məmmədov, Rza Məmmədov, Rahil Ramazanov, Elman Musayev
Əlavə köməkçi hakimlər: Fariz Yusifov, Ramil Əhmədov
AFFA nümayəndəsi: Telman Əzizov
Hakim-inspektor: Məhəmməd Məmmədov
Tofiq Bəhramov adına Respublika stadionu
Hakimlər: İnqilab Məmmədov, Rza Məmmədov, Rahil Ramazanov, Elman Musayev
Əlavə köməkçi hakimlər: Fariz Yusifov, Ramil Əhmədov
AFFA nümayəndəsi: Telman Əzizov
Hakim-inspektor: Məhəmməd Məmmədov
Tofiq Bəhramov adına Respublika stadionu
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…