Ölkə kuboku
"Simurq"un 3:0-lıq qələbəsi Qırtımov üçün gözlənilməz olub
Futbol üzrə Azərbaycan kubokunun ¼ final mərhəl?…
Futbol üzrə Azərbaycan kubokunun ¼ final mərhələsində “Simurq” ilk oyunda 3:0 hesabı ilə qalib gəldiyi “Qəbələ”ylə bu dəfə doğma azarkeşləri önündə qolsuz bərabərə qaldı. Bu nəticə zaqatalalıların tarixində ilk dəfə adını yarımfinala yazdırmasına səbəb oldu.
Qarşılaşmada ən yaxşılardan olan “sarı-qaralar”ın kapitanı İlkin Qırtımov saytımıza açıqlama verərək, “Qəbələ” ilə oyunu şərh etməklə yanaşı, həm də yarımfinal haqda fikirlərini bildirib. O, avrokuboklara vəsiqə qazanmaları üçün hər iki cəbhədə mübarizə aparacaqlarını qeyd etdi:
“Meydana top buraxmamaq üçün çıxmışdıq. Demək olar ki, istəyimizə də çatdıq. Düzü, ilk oyunda 3:0 hesabı ilə qələbə qazanacağımızı gözləmirdim. Çünki “Qəbələ” yaxşı komandadı. Qardaş bölgələrin komandaları olsaq da, aramızda keçən oyunlar gərginliyi ilə seçilir. İlk oyunda da meydanı qol buraxmadan tərk etmək istəyirdik. İş elə gətirdi ki, hücumlardan istifadə edib qol vurduq. Düzünü desəm, bir az da bəxtimiz gətirdi".
Qırtımov yarımfinaldakı rəqibləri "Qarabağ" və onun baş məşqçisi Qurban Qurbanovla bağlı da danışıb: "Qurban Qurbanova tək mənim yox, bütün zaqatalalıların böyük hörməti var. Ancaq bu, futboldu. Hər kəs öz işini görür. Hər iki cəbhədə mübarizəni davam etdirəcəyik. Avrokuboklara vəsiqə qazanmaq üçün heç olmasa, iki şansdan birini əldə etməliyik. “Qarabağ”ı keçmək üçün əlimizdən gələni edəcəyik”.