Premyer-liqa
Cavid Hüseynov: “Xarakterimizi əldən vermədik”
Topaz Premyer Liqasının son turlarında inamlı çıxış edə…
Topaz Premyer Liqasının son turlarında inamlı çıxış edən “Qəbələ” ardıcıl 6-cı oyununda da meydanı qələbə ilə tərk etdi. Bu dəfə “Simurq” evə əliboş göndərən “qırmızı-qaralar” ən yaxın izləyicisi ilə xal fərqini 5-ə çatdırdı.
Qarılaşmadan sonra ev sahibinin və millimizin üzvü olan Cavid Hüseynov oyunla bağlı fikirlərini futbolinfo.az saytı ilə bölüşüb:
“Qələbə seriyasını davam etdirmək istəyirdik. 6 qələbə haqda düşündüyümüz matçın ilk hissəsində oyunumuz istədiyimiz kimi alınmadı. İlk 45 dəqiqədən sonra məşqçi bizə rahatlaşmağı tapşırdı. Fasilədən sonra meydana rahat çıxdıq və öz oyunumuzu nümayiş etdirdik. Qol epizodlarımız da çox oldu. Qələbə qazandığımız üçün sevinirik. “Simurq” hər zaman olduğu kimi, bu qarşılaşmada da gözəl futbol oynadı. Bizim Zaqatala klubuna qarşı oyunlarımız hər zaman çətin olub. Onlar bizə ilk hissədə çətin anlar yaşatdı. Buna baxmayaraq, xarakterimizi əldən vermədik”.