Ölkə futbolu
Futbolinfo.az-ın qaldırdığı məsələ Milli Məclisdə müzakirə oluna bilər
Azərbaycan çempionatının 1-ci divizionunun 23-cu turu &ccedi…
Azərbaycan çempionatının 1-ci divizionunun 23-cu turu çərçivəsində baş tutan “Bakılı” – “Göyəzən” matçının nəticəsi əvvəlcədən razılaşdırıldığını xəbər vermişdik. Məsələnin AFFA tərəfindən araşdırılmasına israrlı olduğumuz üçün müəyyən addımlar atdıq. Hətta mövcud çirkinliklə bağlı UEFA-nı da xəbərdar etdik. Qitənin ali futbol qurumu da məsələyə biganə qalmadı. Futbolinfo.az-ın UEFA-ya məlumat verməsi AFFA tərəfindən “Bakılı” – “Göyəzən” matçı ilə bağlı araşdırma başladılması ilə nəticələndi.
Ancaq təəssüf ki, bu araşdırma müsbət sonluqla bitmədi. Birinci divizion yarışında baş verən birabırçılıq matçın videoyazısında öz əksini tapsa da, oyunun satılması sübuta yetirilə bilmədi. Bunun üçün bir sıra səbəblər də var.
Əslində, Avropada assosiasiya rəsmiləri satılmış oyunla bağlı siqnal alanda dərhal hüquq mühafizə orqanlarına xəbər verməlidi. Bundan sonra mövcud məsələnin araşdırılması üçün əməliyyat-axtarış prosesi başladılır. Bəs, bu bizdə niyə mümkün deyil?
Saytımıza danışan AFFA-nın hüquqşunası Rəmiş Malıyev bunun səbəbini başqa cür izah edir. Təəssüflər olsun ki, oyun alqı-satqısı ilə bağlı Azərbaycanda qanun yoxdu. Amma bədbin olmağa dəyməz. Malıyev çıxış yolu da tapıb. O, bildirdi ki, mövcud problemlə bağlı artıq layihə hazırlayıblar və yaxın gələcəkdə bunu dövlət qurumlarına təqdim edəcəklər. Amma bu qanunun qəbul olunması üçün bir qədər vaxt tələb olunur.
Maraqlıdı, bəs, qanunların qəbulunda yaxından iştirak edənlər necə düşünür? Bu məqsədlə futbola kifayət qədər maraq göstərən millət vəkili Zahid Orucla əlaqə saxladıq. O, saytımıza açıqlamasında məsələyə belə münasibət bildirdi: "Əlbəttə ki, Azərbaycanda yarışları tənzimləyən müəyyən normativ hüquqi aktlar var. Sövdələşmə edib, yarışın nəticəsini əvvəlcədən müəyyən etmək təbii ki, qanun pozuntusudu. Buna münasibətdə də, həmin AFFA-nın və ya digər qurumlarının müəyyən hərəkət mexanizmləri var. İndi idmanla bağlı qanunvericiliyin hansı müddəasına istinad etmək lazım olduğunu deyə bilmərəm. Bəri başdan deyə bilərəm ki, “hüquqi mexanizm olmadığına görə hərəkət etmirik” ifadəsini çox da düzgün saymıram. Bu yöndə əlavə təkminləşdirilmiş daha yeni normalar lazımdırsa, bunu parlamentdə həyata keçirmək mümkündü. Yetər ki, AFFA tərəfindən bizə belə müraciətlər edilsin. Çünki onların qanunvericilik təşəbbüsü hüququ yoxdu. Bunu parlament üzvləri, ali icra hakimi orqanı, dövlət rəhbəri edə bilər".
Zahid bəy oyun alqı-satqısının mənfi hal olduğunu da bildirdi: "Qeyd etdiyiniz kimi, bu, futbol adına mənfi haldı. Təəssüf ki, oyun alveri bütün dünyada müəyyən mənada geniş yayılıb. Xatırlayıram ki, İtaliyada “Yuventus” üçün nəticələrin əvvəlcədən razılaşdırılması böyük qalmaqala səbəb olmuşdu. Bu, onların hətta əsas liqadan çıxarılması ilə nəticələndi. Biz ölkəmizdə güclü idman komandalarının formalaşmasında maraqlıyıq. Nəzərə alaq ki, dövlət də bu məsələdə öz dəstəyini əsirgəmir".
Görəsən, futbola yaxın olan millət vəkili oyun alqı-satqısı ilə bağlı qanunun qəbul olunması üçün parlamentdə şəxsi təşəbbüsü ilə çıxış edə bilərmi? Zahid Oruc bunun mümkün olduğunu qeyd etdi: "İstənilən qanunvericilik təşəbbüsləri parlamentdə müəyyən müzakirələr zamanı mümkündü. Avtomatik olaraq həmin məsələni müvafiq komitəyə yönəltməyə çalışırıq. Çünki istənilən sənəd baza olaraq həmin komitə və ya ona aid olan şöbə tərəfindən hazırlanır. Layihəyə baxıldıqdan sonra plenar iclasa çıxarılır. Hüquqşunaslar tərəfindən praktikada qanunun icrası vəziyyətində hansısa boşluqları aşkarlayıblarsa, bu yöndə müraciətin artıq sizin sualınız vasitəsi ilə bizə yönəldiyini də nəzərə alaraq, eyni zamanda sizə təklif edirik ki, onları rəsmi olaraq bizə göndərin və bu şəraitdə biz məsələni parlamentdə qaldırmağa hazırıq. Bu məsələdə ikinci mövqe ola bilməz".
EMİN SƏFƏROV
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib