Ölkə futbolu
Millət vəkili: “Qarabağ” “Dnepr”dən güclü idi”
Avropa Liqasında “Dnepr”in at oynatmağı azərbaycanlı …
Avropa Liqasında “Dnepr”in at oynatmağı azərbaycanlı futbolsevərlərin təəssüfünə səbəb olub. Məsələ burasındadı ki, Ukrayna təmsilçisi “Qarabağ”a edilən haqsızlığa görə adını finala yazdıra bilib. Əgər İtaliya “İnter”i ilə matça ağdamlıların son dəqiqədə qaydalar çərçivəsində vurduğuğu qolu çexiyalı hakim Miroslav Zelinka qeydə alsaydı, bu gün finalçı “Qarabağ” olmasa da, başqa bir komanda olacaqdı.
İndiki vaxtda təəssüflənmək zamanı geri qaytarmayacaq. Gələcəyə nikbin baxmaq lazımdı. Millət vəkili Zahid Oruc da bu fikirdədi. Saytımıza açıqlama verən Zahid bəy “Qarabağ”ın “Dnepr”dən güclü olduğunu düşünür:
“Dnepr”in hazırkı qələbəsini, onun nailiyyəti, gözlənilməz nəticələr əldə etməsini izləyərkən biz bu yarışlarda “Qarabağ”ı görürük. Xəyalən bizim bu haqda düşünməyə əsasımız var. Ağdam təmsilçisi Ukrayna klubundan güclü idi. “Qarabağ”ın yolunu kəsən məlum hakimin qərarına şikayətə münasibət də onu sübut etdi ki, sanki bu, mühüm, mərkəzləşmiş sifariş olaraq həyata keçirilib. Biz siyasi həyatda yaşadıqlarımızı coğrafi və hərbi sistemimizdə gördüyümüz müqaviməti eynən idman sahəsində şahidlik edirik. Buna görə şübhə etmirəm ki, “Qarabağ”ın finala qədər gəlmə imkanları var idi. Hər bir səriştə və peşəkarlıq belə miqyaslı yarışlardan götürülür.
Millət vəkili gələcəkdə “Qarabağ”dan əzmkarlıq gözlədiyini bildirdi: “Beynəlxalq yarışların statusu ayrıdı. Hər bir oyunçu da özünü xarici məkana təqdim etməyə çalışır. Klublar da bundan fayda götürür. Dünyada tanınmış komandaların sirri qeyri-adi məsələlərdə deyil. Onlar bu cür yarışlara çıxaraq təcrübə əldə edir. Bununla da səviyyə dəyişir. “Qarabağ”dan gələcək dönəmdə əzmkarlıq istəyirəm. Düzdü, bizə qarşı saxtakarlıqlar olmamalıdı. Milan “İnter”i ilə matçda olan hadisəni hər kəs gördü. Son dəqiqədə vurduğumuz qolu qaydalar çərçivəsində vurulduğunu rəqib də təsdiqlədi. Əslində, “Qarabağ”ı belə məğlub etmək indiki yarış üçün mənfi hadisədi. Amma bu idmanın da bir qaydası var ki, keçmiş haqda düşünmək yox, gələcəyə baxmaq lazımdı”.
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub
- Ölkə futbolu2024-04-26 08:00
Juninyo – Avropanın ən yaxşı braziliyalısı