Ölkə futbolu
"Qurban adına" – FOTOLAR
Ötən gün "Azərsun Holdinq"in baş ofisində &ldq…
Ötən gün "Azərsun Holdinq"in baş ofisində “Qarabağ”ın son illərdəki uğurlarından bəhs edən filmin təqdimat mərasimi olub. Futbolinfo.az xəbər verir ki, Şakir Eminbəylinin müəllifi olduğu ekran əsəri “Qurban adına” adlanır.
Təqdimat mərasimində “Qarabağ”ın vitse-prezidenti Tahir Gözəl, Peşəkar Futbol Liqasının prezidenti Ramin Musayev, klubun direktoru Emrah Çəlikəl, komandanın futbolçuları, məşqçiləri, digər klubların nümayəndələri və jurnalistlər iştirak ediblər. Filmin göstərilməsindən əvvəl millət vəkili Qənirə Paşayeva, klubun bir neçə xanım azarkeşi və futbolçular birlikdə “Qarabağ” mahnısını ifa edərək mərasimə sürpriz giriş ediblər. Sonra Qənirə xanım işğal olunmuş Qarabağ torpaqlarından, müharibə tarixindən və eyni zamanda “Qarabağ” klubunun uğurlarından bəhs edən nitq söyləyib. Daha sonra mərasimdəki iştirakçılara film təqdim olunub. Filmin əsas mövzusu isə Ağdam təmsilçisinin Qurbanovun rəhbərliyi ilə 2014/15 mövsümündə Avrokuboklarda keçdiyi yoldan, uğurlarından bəhs edir. Ekran əsərində Tahir Gözəlin və Emrah Çəlikəlin keçirilmiş oyunlar, komanda və Qurbanov haqqında fikirlərinə, baş məşqçinin müsahibəsinə geniş yer verilib.
Mərasim iştirakçıları filimi izlədikdən sonra Gözəl çıxış edib. Filmin müəllifi Eminbəyliyə gözəl yaradıcılıq nümunəsi üçün təşəkkür edən klub rəhbəri, gələn qonaqlara minnətdarlığını bildirib. Tahir bəy həm də “Qarabağ” klubunun 16 yaşlılardan ibarət komandasının da çempion olduğunu elan edib və yeniyetmə futbolçuları da təbrik edib. Azərbaycanın müstəqillik gününü də unutmayan Tahir Gözəl zaldakı qonaqları təbrik etdikdən sonra respublikamızın inkişafından və I Avropa Oyunlarından da danışıb.
Daha sonra isə söz Peşəkar Futbol Liqasının prezidenti Ramin Musayevə verilib. PFL prezidenti də öz növbəsində Qurban Qurbanovun uğurlarından bəhs edib. Filmin yaradıcı heyətinə və rejissoruna gözəl iş üçün təşəkkür edib. Qurbanov haqqında rəsmi bir şəxs kimi deyil, ailəvi dost kimi fikir bildirdiyini qeyd edən Ramin Musayev onun bu uğurlarından qürur duyduğunu və nailiyyətlərdən özünə də pay çıxdığını deyib. Musayev çıxışının sonunda isə “Qarabağ”ın bütün futbolçularına, rəhbərliyinə və azarekşlərinə uğurlar arzulayıb.
(Klub saytı)
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-19 08:52
Yüksək əmsal “Qarabağ”a əlavə üstünlük verir
- Digər idman növləri2024-04-18 17:00
Şahmat Federasiyası yeni loqonun hazırlanması ilə bağlı müsabiqə elan etdi