Ölkə futbolu
Mircavadov “Maradona” üçün darıxıb
Sabah ölkə kubokunun yeni qalibi müəyyənləşəcək. &ldq…
Sabah ölkə kubokunun yeni qalibi müəyyənləşəcək. “Qarabağ” və “Neftçi”nin iştirakı ilə Qəbələdə baş tutacaq final qarşılaşması saat 20:00-da başlayacaq.
Bu gün isə 1996-cı ildə adıçəkilən komandaların formasını geyinmiş və finalda iştirak etmiş oyunçular üz-üzə gələcək. Peşəkar Futbol Liqasının təşkilatçılığı ilə saat 18:00-da başlayacaq görüş “İdman Azərbaycan” kanalının vasitəsi ilə canlı yayımlanacaq.
Maraqla gözlənilən qarşılaşmada “Qarabağ”ın veteranlarını baş məşqçi kimi meydana Ağasəlim Mircavadov çıxaracaq. O, saytımıza açıqlamasında bu matçın təşkilatçlarına öz minnətdarlığını bildirməklə yanaşı, veteranların gənc nəsilə öz bacarıqlarını mesaj olaraq göndərəcəyini qeyd edib:
“Veteranlar arasında oyun 20 il bundan öncə baş tutmuşdu. Təşkilatçılara minnətdarlığımı bildirirəm. Çünki bu, tarixi bir oyundu. Tarixə nəzər yetirib, veteranları yenidən qarşı-qarşıya gətirmək alqışlanılası addımdı. Gör, uşaqlar neçə illərdi bir-birilərini görmürlər. İnanın ki, heç ayrılmaq istəmirik. Hətta Almaniyadan, Rusiyadan gələnlər də var. Uşaqlar yığmada hər zaman bir yerdə olublar. Bilirsiz ki, yaşlandıqca oyunun gərginliyi az olur. Veteranlar bacardıqlarını gənclərə mesaj olaraq nümayiş etdirəcəklər. Azarkeşlərin adını eşidib, özünü görmədiyi futbolçular var. Futbolsevərlər bu fürsətdən istifadə edəcək. Keçmiş oyunçuları, məşqçiləri itirməli deyilik. Cavan nəsil demək olar ki, çoxunu tanımır. Burada uduzan olmaz. Almaniyadan “Maradona” gəlib (İlham Məmmədovu nəzərdə tutur – red). Onu hardasa 15 il idi ki, görmürdüm. Onu görüb, şad oldum, darıxmışdım. Rasim Abışov da həmçinin”.
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub
- Ölkə futbolu2024-04-26 08:00
Juninyo – Avropanın ən yaxşı braziliyalısı
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”