Ölkə kuboku
Finalda "Qarabağ"ı 100, "Neftçi"ni 110 azarkeş dəstəkləyəcək
Bu gün Azərbaycan kubokunda final mərhələsinin oyunu ke&ccedi…
Bu gün Azərbaycan kubokunda final mərhələsinin oyunu keçiriləcək. Futbolinfo.az xəbər verir ki, həlledici görüşdə "Qarabağ" və "Neftçi" komandaları üz-üzə gələcəklər.
Saat 20:00-da Qəbələ şəhər stadionunda baş tutacaq matçda anşlaq olacağı gözlənilir. Artıq Bakıdan çoxsaylı azarkeş kütləsi şimala axın edir.
"Qarabağ"ı dəstəkləyən azad azarkeş qrupu "İmarət"in İdarə Heyətinin üzvü Elnur Quliyev hazırda yol üstə olduqlarını bildirdi: "Fan-klub olaraq 2 avtobus və 3-4 şəxsi avtomobillə saat 11:30-da "Gənclik" metrostansiyasından yola çıxmışıq. Təxminən 70 nəfərlik heyətlə səfərə yollanırıq. Bəzi üzvlərimiz səhər saatlarında paytaxtı tərk edib və artıq Qəbələdilər. Təxminən oyun saatı tribunada üzvlərimizin sayı 100 nəfər olacaq. Hər şeyi öz hesabımıza etmişik. Avtobusların sifarişini də bura əlavə edək. PFL, başqa sözlə Aslan Şahgəldiyev sağ olsun ki, biletləri bizə hədiyyə etdi. Buna görə PFL-ə təşəkkür edirik. Düzdü, qurum jest olaraq bizə hədiyyə edib, lakin biletlərin pulunu öz aramızda yığaraq qaytaracağıq. Yeri gəlmişkən, matçda Azərbaycanın milli qəhrəmanı, eləcə də, "Qarabağ"ın sabiq baş məşqçisi Allahverdi Bağırova aid plakat yerləşdirəcəyik. Oyuna gəlincə, sonadək komandamızı dəstəkləyəcəyik. Hazırkı durumda "Qarabağ" rəqibindən bir baş üstündü. Ancaq kubokun finalı bir oyundan ibarətdi. Baxmayaraq ki, çətinlik olacaq, komandamızın "qızıl dubl" edəcəyinə inanırıq. İstəyirik ki, Çempionlar Liqasının təsnifat oyunlarına yüksək əhval-ruhiyyədə yollanaq. Komanda bu mövsüm son dəfə səfərə çıxır. Bundan sonra "Qarabağ" təxminən 1 ay rəsmi oyunlarda iştirak etməyəcək, yəni qısamüddətli ayrılıq yaşanacaq. Bu ayrılığa xoş xatirələrlə yollanmağı istəyirik. Qarabağ camaatının kuboka çox ehtiyacı var".
Adından da göründüyü kimi "Neftçi" tərəfdarı olan "Forza Neftçi"nin rəhbəri Sübhan Əliyev bu gün saat 7:00-da Tofiq Bəhramov adına Respublika stadionunun qarşısından yola düşdüklərini qeyd etdi: "4 avtobus olmaqla 110 nəfərlik heyətlə yola çıxmışıq. Hələ ki, Qəbələyə çatmamışıq. Bizim üçün, kubokda ikincilik qətiyyən uğur deyil. Allahın köməyi ilə kubokun sahibi biz olacağıq. Şəxsən biz "Forza Neftçi" olaraq, Arif Əsədovun kuboku başı üzərinə qaldıracağı halda belə, məşqçinin komandadan getməyini istəyirik. Əsədov "Neftçi"də qalmasın! İstəyimiz budu. Çünki çalışdırıcı qorxaq futbol oynadır. Əsədovun getməsi ilə bağlı plakat asmayacağıq".
TAHİR MƏMMƏDOV
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”