Ölkə futbolu
Blatter kimlərə və nəyə qurban getdi?
Blatter qəbristanlığa FİFA prezidenti kreslosundan yollanmaq istə…
Blatter qəbristanlığa FİFA prezidenti kreslosundan yollanmaq istəsə də, ABŞ və müttəfiqləri buna imkan vermədi. Futbol çoxdan siyasətə qarışıb. Əslində Blatterin rəhbəri olduğu qurumun korrupsiyaya bulandığını hamı bilirdi. "Hamı" dedikdə ilk növbədə Rusiya və ABŞ tərəflərini nəzərdə tuturuq. Hər iki tərəf digərinin səhvini gözləyirdi. Çünki "soyuq müharibə"də bu, oluqca vacib aspektdi. Yanlışlığa gözü doymaq bilməyən Rusiya yol verdi…
Ona görə gözü doymayan ki, böyük turnirlərin təşkilindən korrupsiya ayaq açan ölkələr külli miqdarda gəlir əldə edirlər. Büdcə pullarını yemək üçün ucaldılan, rekonstruksiya edilən stadionlar, şəhərlərin abadlaşdırılması, yeni otellərin tikilməsi və s. kimi fırıldaqlarla 100 milyonlarla vəsaiti mənimsəmək mümkündü. Necə ki, Soçi Olimpiadasında bunu etdilər. Amma gözləri doymadı…
Rusiya DÇ-2018-ə ev sahibliyi etməyə görə çemodanlarla pulları məhz bunun üçün Blatterə peşkəş etmişdi. İndi hadisələr sürətlə cərayan etməyə başlayıb. Böyüklərin oyunları da böyükhəcmli olur. İsveçrəli işbaz kreslosunu qoruduqdan cəmi 4 gün sonra istefa qərarı verməklə, faktiki olaraq etiraf etdi: "Yeməmişəm, talan etmişəm, amma məni həbs etməyin".
Dəyib-dəyməyəcəklərini, həbs edib-etməyəcəklərini deyə bilmərəm, amma Blatterin insultdan, infarktdan və ya intihardan "təsadüfən" dünyasını dəyişdiyini eşitsək, təəccüblənməyə dəyməz. Çünki stolüstü tennis dili ilə desək "pinq-ponq" ruslar tərəfə atılıb. Rusiya "KQB"si bu ləkəni necə siləcək? Əgər Blatter aradan götürülsə belə, faktlar üzə çıxacaqsa, isveçrəliyə dəyməyəcəklər. Yox, əgər şans qalırsa ki, onu torpağın altına göndərsələr, ABŞ Rusiyanı rüsvay etməyə ortaya tutarlı faktlar çıxara bilməyəcək, əmin olun, Blatteri aradan götürəcəklər.
Ancaq bu, hələ son deyil. Çünki sübut olunsa ki, Rusiya DÇ-2018-i rüşvət hesabına əldə edib, şimallılar avtomatik olaraq, mundialı keçirmək hüququndan məhrum ediləcəklər. Canlarını bununla qurtarsalar, şükür etməlidirlər. Okeanın obiri tərəfindəkilər Rusiyanı futbol xəritəsindən də silməyə çalışacaqlar. Amma buna müyəssər olmasalar belə, Rusiyada çaxnaşma baş verəcəyini əminliklə söyləmək olar. Putin hakimiyyətinə qarşı başlanacaq aksiyalar dövlət çevrilişinədək irəliləyə bilər. Hələ bu ölkənin ümumiyyətlə, FİFA tərəfindən diskvalifikasiyaya məruz qalması məsələsini demirik. Belə olacağı təqdirdə isə ruslar bunu Putinə heç bir halda bağışlamaycaqlar.
Bir neçə kəlmə də UEFA prezidenti Mişel Platini barədə. Hələlik özünə "krışa" tapan fransalı işbazı da Blatterin aqibəti gözləyir. Sadəcə, birdən-birə dünyanın bütün fırıldaqlarını ortaya qoymaq olmaz. Axı sadə insanların totalizatora etibarı itə və belədə, milyardlarla avrodan ibarət gəlir axınının qarşısı alına bilər…
Dünən mətbuat nümayəndələri ilə görüş zamanı AFFA-nın baş katibi Elxan Məmmədov Mişel Platininin qitəmizdən heç bir federasiyaya Blatterə qarşı səs verməyə çağırmadığını bildirib. Baş katibin bu cür siyasi səhvə yol verəcəyini gözləməzdik. O, hardan bilir ki, Avropa ölkələrinin federasiya rəsmilərinə Platini tərəfindən bu cür təklif gəlməyib? Hamısı bir-bir gəlib Məmmədova deyiblər ki, "Platini bizə bu cür təklif verməyib"? Deməli, o, "FİFA inqilabı"nın hansısa şəkildə müəyyən qruplaşmaların yaranmasında iştirak edir. Ancaq başqa variant da var. Məmmədov Platinini müdafiə etmək istəyərkən bu açıqlamanı verib və özü də bilmədən gündəmə maraqlı sual gətirib: Azərbaycanın AÇ-2020-nin 4 oyununu qəbul etmək Rusiyanın DÇ-2018 keçirməsi xəttinin davamı deyil?
Fəqət, Blatterin istefa ərizəsi dünya futbolunda hələ çox çaxnaşmaya səbəb olacaq. Biz isə maraqlı bir tarixçəni xatırlamaqla yazıya hələlik yekun vururuq.
07 uyun 2013-cü il. Azərbaycan – Lüksmburq. Dünya çempionatının seçmə mərhələsinin qrup qarşılaşması. Həmin gün onlarla analoji qarşılaşma var idi. Matçın başlamasına 3-4 saat qalanadək dünyanın ən aparıcı bukmeker kontorlarında Azərbaycanın qələbə əmsalı 1,35 idi. Birdən-birə əmsal 1,85-ə qalxdı. Görüş başladı. Seçmə mərhələnin bütün oyunlarına canlı "stavka" qəbul edildiyi halda, Azərbaycan – Lüksemburq matçı üçün bunu etmək mümkün deyildi…
AĞA
P.S.: Bukmekerlər də birdən-birə 0,50 əmsal qalxmasının bircə səbəbi olur. Kimsə milyonlarla pulu favoritin qalib gəlməyəcəyinə qoyur. Bunu edənlər favorit komandalar olur. Matç 1:1 başa çatdı. İndi biz də nədənsə şübhələnək?..
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib