Ölkə futbolu
Salam, avrokuboklar!
“Barselona” və “Sevilya”nın Avropanın 2 ən…
“Barselona” və “Sevilya”nın Avropanın 2 ən nüfuzlu turnirinin kubokunu başı üzərinə qaldırmasından elə də çox vaxt ötməmiş, yeni qitəmiqyaslı yarışların püşkatması keçirildi. Çempionlar Liqasına 2-ci təsnifat mərhələsindən qoşulacaq “Qarabağ” və Avropa Liqasının 1-ci təsnifat mərhələsindən döyüşə atılacaq “İnter”, “Qəbələ” və “Neftçi” ilk rəqiblərini tanıdı.
“Yaxşı” demək olar?
Çernoqoriyanın “Rudar” və “Mladost” kollektivlərini Avropa nəhəngləri sırasına daxil etmək olmaz. Elə Tiflis “Dinamo”sunun şanlı tarixi də bizləri qorxutmalı deyil. Axı qarşılaşacaq komandalar “Dinamo” (Tiflis)-1981 və “Neftçi”-66 deyil. Müasir dövrün “Qəbələ”si isə heç də gürcü həmkarlarından zəif deyillər. Albaniya “Laçi”si də digər təmsilçilərimizin rəqiblərindən əlahiddə üstünlüyə malik deyil.
Komandalarımızın rəqiblərindən çəkindikləri vaxt çoxdan arxada qalıb. Yox, bununla rəqiblərin təmsilçilərimizdən qorxduğunu söyləmək fikrindən uzağıq. Sadəcə, psixoloji mandraj məfhumunun, ən azından ilkin mərhələlərdə müşahidə olunmayacağını düşünürük. Hər halda püşkün nəticələri komandalarımızdan bunu tələb etməyə əsas verir.
Püşkün nəticələrinə “yaxşı” demək mümkündü? “Bəyin oğurlanması” filmində mərhum sənətkarlarımız Eldəniz Zeynalov və Yaşar Nurinin dialoqundan bu suala cavab tapmaq olar.
“Əkizlər”
Ancaq rəqiblərin adları bizi arxayınlaşmağa da sövq etməməlidi. Bunun üçün “Neftçi” və “İnter”in maliyyə durumunun acınacaqlı vəziyyətdə olmasını göz önünə gətirməyimiz kifayətdi. Maraqlıdı ki, komandalar eyni – "pulsuzluq xəstəliyi"nə düçar olsalar da, çıxış yolunu əks qütblərdə axtarırlar. “Ağ-qaralar” yeniyetmə və gəncləri, habelə ucuz qiymətli sıradan legionerləri heyətə qatmaq yolunu seçiblərsə, “bankirlər” (yəqin keçmiş “bankirlər” desək, daha düzgün olar) analoqu olmayan varianta əl atıblar. Ötən ildən qalan borcları ödəyə bilməyən klub Avropa Liqası öncəsi sıralarını təcrübə poliqonuna çevirib. Klubsuz qalan yerli və əcnəbilərə qucaq açan “İnter” heyətə qatdığı hər bir üzvü ilə imzaladığı müqavilədə “istənilən vaxt azad agent statusu ilə gedə bilərsən” bəndini əlavə edib. Məsələn, Rauf Əliyev iyulun 1-də transfer vərəqini götürüb, komandadan ayrılma hüququna malikdi. Nə olsun ki, ertəsi gün “İnter”i “Laçi” ilə oyun gözləyir?! Üstəlik, “Laçi”nin təmsil etdiyi ölkə ilə bədbin xatirələrimiz də “kefimizə soğan doğrayır”. Özü də “Neftçi” “Skenderbeu”ya uduzanda nə pul-para problemi var idi, nə də heyət sarıdan korluq çəkirdi. “Mladost” haqda “zəngin təcrübəyə sahib deyillər” ifadəsini işlətmək olardı. Ancaq problem bundadı ki, çernoqoriyalılar heç olmasa mövsümü bir yerdə oynayıblar, oyun üslubunu bir baş məşqçi müəyyənləşdirib. Mövsümü Arif Əsədovun rəhbərliyi altında keçirən “Neftçi”dən isə indi əsər-əlamət qalmayıb. Nə baş məşqçi qalıb, nə də futbolçular. Yəni, zahirən “Neftçi” və “İnter” oxşar durumda olsalar da (bura həm maliyyə durumu, həm də son illər daim çempionatımızın simasını müəyyənləşdirən komanda olduqlarını aid edirik), daxildən tam fərqli mənzərənin şahidi oluruq. Təxminən belə:
Ancaq rəqiblərin adları bizi arxayınlaşmağa da sövq etməməlidi. Bunun üçün “Neftçi” və “İnter”in maliyyə durumunun acınacaqlı vəziyyətdə olmasını göz önünə gətirməyimiz kifayətdi. Maraqlıdı ki, komandalar eyni – "pulsuzluq xəstəliyi"nə düçar olsalar da, çıxış yolunu əks qütblərdə axtarırlar. “Ağ-qaralar” yeniyetmə və gəncləri, habelə ucuz qiymətli sıradan legionerləri heyətə qatmaq yolunu seçiblərsə, “bankirlər” (yəqin keçmiş “bankirlər” desək, daha düzgün olar) analoqu olmayan varianta əl atıblar. Ötən ildən qalan borcları ödəyə bilməyən klub Avropa Liqası öncəsi sıralarını təcrübə poliqonuna çevirib. Klubsuz qalan yerli və əcnəbilərə qucaq açan “İnter” heyətə qatdığı hər bir üzvü ilə imzaladığı müqavilədə “istənilən vaxt azad agent statusu ilə gedə bilərsən” bəndini əlavə edib. Məsələn, Rauf Əliyev iyulun 1-də transfer vərəqini götürüb, komandadan ayrılma hüququna malikdi. Nə olsun ki, ertəsi gün “İnter”i “Laçi” ilə oyun gözləyir?! Üstəlik, “Laçi”nin təmsil etdiyi ölkə ilə bədbin xatirələrimiz də “kefimizə soğan doğrayır”. Özü də “Neftçi” “Skenderbeu”ya uduzanda nə pul-para problemi var idi, nə də heyət sarıdan korluq çəkirdi. “Mladost” haqda “zəngin təcrübəyə sahib deyillər” ifadəsini işlətmək olardı. Ancaq problem bundadı ki, çernoqoriyalılar heç olmasa mövsümü bir yerdə oynayıblar, oyun üslubunu bir baş məşqçi müəyyənləşdirib. Mövsümü Arif Əsədovun rəhbərliyi altında keçirən “Neftçi”dən isə indi əsər-əlamət qalmayıb. Nə baş məşqçi qalıb, nə də futbolçular. Yəni, zahirən “Neftçi” və “İnter” oxşar durumda olsalar da (bura həm maliyyə durumu, həm də son illər daim çempionatımızın simasını müəyyənləşdirən komanda olduqlarını aid edirik), daxildən tam fərqli mənzərənin şahidi oluruq. Təxminən belə:
Qriqorçukun “əjdaha”sı
“Qəbələ”yə gəlincə, əyalət təmsilçisi maliyyə böhranını o qədər də hiss etdirmədi. Ancaq qitəmiqyaslı təcrübə sarıdan əziyyət çəkən Roman Qriqorçukun komandası Qafqazın ən adlı-sanlı rəqibi ilə dueldə heç cür favorit göstərilə bilməz. Elə gürcülərin “səpələnmişlər” səbətində qərarlaşmasını xatırlatsaq, dediklərimizin sübutu üçün kifayətdi. Ancaq “ağacın iki başı var”. Əgər “Qəbələ” elitar Azərbaycan klubu statusu adını daşımaq istəyirsə, avrokuboklarda nəticə göstərməlidi və aşağı olan reytinqini yüksəltmək yolunda ilk addımını məhz “Dinamo”ilə qarşılaşmalarda atmalıdı. Vaxtilə “Qarabağ” da, “Neftçi” də, “İnter” də “səpələnməmişlər” səbətində yer alırdılar. Lakin mərhələ-mərhələ istəklərinə çatdılar. İndi növbə “Qəbələ”nindi. Yəqin ki, klub rəhbərliyi “Bəyin oğurlanması” filminə baxmış olar. Baxıblarsa, mütləq Qriqorçuka mərhum Mirzə Babayevin səsləndirdiyi sualı verməlidirlər: “Qarabağ”, “Neftçi”, “İnter” bacarıbsa, “ o əjdahadan “Qəbələ”də niyə olmasın?
"We are the champions"
Desertə saxladığımız “Qarabağ”a ümidlər daha çoxdu. Çernoqoriya “Rudar”ı ilə görüşlərdə ehtiyatı əldən vermək olmaz. Azərbaycan çempionunun mövsümün əvvəlində həmişə bir qədər ağır göründüyünü unutmaq olmaz. Belədə, əlbəttə ki, ilk oyunu səfərdə keçirmək daha əlverişli olardı. Çünki Çernoqoriyada əks-hücum taktikasını seçib, ən pis halda heç-heçəyə oynamaq olardı. İndi isə Qurban Qurbanovun yetirmələri evdə mütləq qələbəyə oynamağa məhkumdular. Bu, “Rudar”a müəyyən üstünlük qazandırsa da, ağdamlılar ilk səddi keçməyə məhkumdular. Doğrudu, Azərbaycan çempionunun heyəti bəzi dəyişikliklərə məruz qalıb. Ancaq bu da komandamıza olan ümidləri azaltmır. Əksinə, digər 3 kluba baxdıqda, Qurbanovun komandasına ümidlər daha böyükdü. Bütün hallarda təcrübə və heyət üstünlüyü təmsilçimizin tərəfindədi. Qalır bunu kağız üzərindən meydana daşımaq. Bu mahnıya layiq olduqlarını Avropa meydanlarında da sübut etməyə borcludular!
CEYHUN ƏLİYEV
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- I Liqa2024-04-30 14:45
“Araz Saatlı”nın məşqçisinə 2 oyunluq cəza