Ölkə futbolu
"Qəbələ"nin yeni transferi futbolinfo.az-a danışdı: "Dinamo"nu keçməyə gücümüz var"
Avropa Liqasının 1-ci təsnifat mərhələsində Gürcüstan…
Avropa Liqasının 1-ci təsnifat mərhələsində Gürcüstanın “Dinamo” (Tiflis) klubu ilə üz-üzə gələcək “Qəbələ” yeni transferlər etməkdə davam edir. Futbolinfo.az xəbər verir ki, əyalət klubu bu gün daha bir futbolçunun keçidini həll edib.
Bu rumıniyalı Georgi Floreskudu. Futbolçu “qırmızı-qaralar”la 1.5 illikmüqavilə imzalayıb.
Floresku bu keçidlə bağlı saytımıza açıqlama verib. O bildirib ki, böyük kluba gəlib: “Qəbələ”yə gəlməklə bağlı qərar verdiyim üçün şadam. Fikrimcə, düzgün seçim etmişəm. Bilirəm ki, bu komanda Azərbaycan çempionatında iddialı yerlər üçün mübarizə aparır. Hər zaman birinci olmaq üçün “döyüşür”. Bu, adama ruh yüksəkliyi verir. Ümid edirəm ki, mən də burda yaxşı oyun göstərib, komandama güc qatacam”.
Rumın yarımmüdafiəçi Azərbaycana gəlməmişdən öncə ölkə və futbolumuza haqqında məlumat aldığını deyib: “Mən bura gəlməmişdən öncə əvvəllər ölkənizdə oynamış futbolçularla danışdım. Adrian Ropotan və Andrey Mureşan mənə çoxlu məlumat verdilər. Onlar da buradan razı qaldıqlarını, yaxşı çempionat olduğunu dedilər. “İnter” klubu haqqında da müəyyən məlumatlarım vardı. “Xəzər Lənkəran” da Mureşan oynadığı üçün tanıyırdım. Ona görə də seçimimi etdim”.
Floresku Avropa Liqası haqqında da danışıb: “Avropa Liqası bizim üçün vacib turnirdi. Burada uğur qazanmaq, növbəti mərhələlərə getmək bizim gücümüzə güc qatacaq. Burada qələbə həqiqətən çox vacibdi. Tbilisi “Dinamo”su haqqında az məlumatım var. Sadəcə, zəif komanda olmadıqlarını bilirəm. Lakin bizim komandanın onları keçmək üçün gücü və heyəti var”.
AĞA