Ölkə futbolu
Te(ə)nde(i)rüstü
Azərbaycan Futbol Federasiyaları Assosiasiyası tərkibindəki &ldqu…
Azərbaycan Futbol Federasiyaları Assosiasiyası tərkibindəki “muxtar respublika” olan Peşəkar Futbol Liqası ilə birlikdə Premyer Liqa oyunlarının televiziya vasitəsilə yayımı ilə əlaqədar tender elan edib. Bəndlərini xırdalamayacam, elə qiymətə baxıb nöqtəni qoyacam – 1 (bir) milyon manat.
AFFA-nın baş katibi Elxan Məmmədov ağıllı adamdı, amma bəzən fantaziya vurur başına, elə bilir barmaqını hara uzatsa, onun olacaq, nə istəsə, əldə edəcək. Bu tender məsələsi də eynidi, gəl ki, bu dəfə istədiyi gözündə qalacaq. Azərbaycanda heç bir telekanalın futbola görə bu qədər xərcə düşməsi mümkün deyil. Həm də ac-yalavac qalan, baxımsız futbol sərgiləyən klubların yarışmasından söhbət gedirsə, ümumiyyətlə, mövzunu bağlamaq olar.
AFFA-nın bu məbləği utanmaz-utanmaz rəsmi saytında işıqlandırması gözdən pərdə asmaqdan başqa bir şey deyil. Axı, məhz baş katibin təşəbbüsü ilə Klublar Komitəsi yaradıb, otellərdə hər iclasa 20 min manat xərcləyib, məsələ müzakirə ediblər. İndi həmin geydirmə komitənin guya ki, işlədiyini, belə bir məsələni ortaya çıxardığını gündəmə gətirmək lazımdı, ya yox? Nəticə isə heç kimin vecinə deyil, ona bir bəhanə tapacaqlar.
Amma Elxan Məmmədova bu tenderin nəticəsini indidən də demək olar. Əmin olun ki, heç kəs bu məbləğə Premyer Liqa matçlarını yayımlamayacaq. Bunu neçə illərdi telekanallarla alver edən PFL prezidenti Ramin Musayev də bilir. Sadəcə, Məmmədovun oyununa gəlib, bəlkə də mehriban düşməninin xətrinə dəyməmək üçün həmin xəbərdə hər iki qurumun adının yazılmasına razılaşıb. Amma Musayev də gözəl bilir ki, hətta avrokubok matçlarını sata bilməyən, bu azmış kimi oyunların göstərilməsi üçün telekanallara haqq ödəyən klublar üçün Premyer Liqa matçlarının yayımından pul qazanmaq boş xəyaldı.
Az sonra futbolinfo.az-da bu mövsüm avrokuboklarda çıxış edən klublarımızın teleyayımdan nə qazandığını biləcəksiz. Və ondan sonra AFFA rəsmiləri bird aha anlayacaq ki, hər mövsüm tender oyununu ortaya atmaqla baş qatmaq lazım deyil. Əsas olan məhsulun keyfiyyətidi, o düzəlsə, alıcı özü onları tapacaq.
AĞA
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub
- Ölkə futbolu2024-04-26 08:00
Juninyo – Avropanın ən yaxşı braziliyalısı
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”