Müsahibə
Popoviçi daha ciddi cəza gözləyir
Andrey Popoviç yenə ilişib. Yenə də köhnə mərəzdən…
Andrey Popoviç yenə ilişib. Yenə də köhnə mərəzdən. Bu barədə ilk olaraq, futbolinfo.az saytı dünən məlumat vermişdi. Maraqlıdı ki, ukraynalı “azərbaycanlı” xəbəri “cəfəngiyat” adlandıraraq, Roman Qriqorçukun onu əvəzedici heyətə göndərməsinin səbəbinin əsas komandada yer alması üçün formasının yetərli olmadığını göstərib.
Popoviç bundan öncə yığmanın, “Turan”ın, “Sumqayıt”ın heyətindən də məhz içkiyə görə kənarlaşdırılıb. Nə faydası? “Qozbeli qəbir düzəldər”.
“Qəbələ”nin baş meneceri Zaur Əzizovla alkaş-qapıçı məsələsinə dair bir sıra məqamlara aydınlıq gətirdik.
– İlk olaraq, əlcək sahibinin əvəzedici komandaya göndərilməsinin müddətini öyrənmək istəyərdik.
– Popoviç əvəzedici heyətə qeyri-müəyyən müddətə göndərilib. İndi başımız Avropa Liqasının oyununa qarışıb. Bütün diqqətimizi “Apollon”la qarşılaşmaya yönəltmişik. Həmin görüşdən sonra onun məsələsinə baxılacaq.
– Popoviç əvəzedici heyətə qeyri-müəyyən müddətə göndərilib. İndi başımız Avropa Liqasının oyununa qarışıb. Bütün diqqətimizi “Apollon”la qarşılaşmaya yönəltmişik. Həmin görüşdən sonra onun məsələsinə baxılacaq.
– Nəzərə alsaq ki, Popoviç içki məsələsində "zəngin" təcrübəyə malikdi, onunla birdəfəlik vidalaşmaq daha düzgün olmazdımı?
– Popoviçi olduqca ciddi cəza gözləyir. Ancaq bir daha təkrar edirəm, hazırda başımız qitəmiqyaslı turnirə qarışıb. Bu oyundan sonra məsələylə daha yaxından məşğul olacağıq.
– Popoviçi olduqca ciddi cəza gözləyir. Ancaq bir daha təkrar edirəm, hazırda başımız qitəmiqyaslı turnirə qarışıb. Bu oyundan sonra məsələylə daha yaxından məşğul olacağıq.
– Milliləşmiş qapıçıyla yollarınızı ayıracağınız təqdirdə, komandanın planlarına yeni əlcək sahibi axtarışına çıxmaq daxil deyil?
– Yox, heyətimizdə iki təcrübəli qapıçı var. Akademiyamızdan da əlcək sahibi dəvət edə bilərik. Hələlik bu barədə düşünməmişik.
– Yox, heyətimizdə iki təcrübəli qapıçı var. Akademiyamızdan da əlcək sahibi dəvət edə bilərik. Hələlik bu barədə düşünməmişik.
CEYHUN ƏLİYEV