Premyer-liqa
“Rəvan”da ukraynalı qapıçı
Bir illik fasilədən sonra Premyer Liqaya dönüşü son …
Bir illik fasilədən sonra Premyer Liqaya dönüşü son anda müəyyənləşən “Rəvan” sıralarına ukraynalı qapıçı qatıb. Futbolinfo.az xəbər verir ki, “uçan aslanlar” 26 yaşlı Konstantin Maxnovskini komandaya cəlb ediblər.
Hər ilin ilk günündə doğum gününü qeyd edən əlcək sahibi hazırda baxışda olsa da, onunla böyük ehtimalla müqavilə imzalanacaq.
Karyerası ərzində müxtəlif Ukrayna klublarının şərəfini qoruyan Maxnovski üçün “Rəvan” ilk xarici klub olmayacaq. O, bundan öncə Polşa klublarının şərəfini qorumağa da macal tapıb. 2008-ci ildə “Lodz”a transfer olunan ucaboy (190 sm) əlcək sahibi, burda cəmi 2 oyun keçirib. Eyni sayda qol buraxan Konstantin, daha sonra Polşanın digər klubu – “Legiya”ya transfer olunub. 2008-2001-ci illərdə bu komandada daha çox ehtiyat oyunçular skamyasının sakini olan ukraynalı cəmi 6 dəfə meydana çıxmaq şansı qazanıb.
8 illik peşəkar karyerası ərzində Maxnovski cəmi 19 oyuna çıxıb, orta hesabla hər mövsümə 2,5 qarşılaşma. Maraqlıdı ki, onun yığma karyerası daha zəngindi: U-17 yığmasında keçirdiyi 14 oyunda 16 qol buraxıb.
Qeyd edək ki, hazırda sabiq futbolçuları – müdafiəçi Şeriff Suma və yarımmüdafiəçi Samuel Barlay da paytaxt klubunda baxışdadı. Onlarla yaxın vaxtlarda müqavilə imzalanacağı gözlənilir. "Sarı-qırmızılar"ın digər sabiq üzvü – hücumçu Mindauqas Kalonas isə artıq klubla anlaşıb.