Ölkə futbolu
"Neftçi" legioneri ilə yollarını ayırdı
“Neftçi” 2 ay davam edən danışıqlardan sonra fu…
“Neftçi” 2 ay davam edən danışıqlardan sonra futbolçu Ernest Nforla müqaviləyə qarşılıqlı anlaşma əsasında xitam verib. Futbolinfo.az xəbər verir ki, kamerunlu hücumçu ilə bağlanmış müqaviləyə əsasən Ernest Nfor 2016-cı ilə qədər Bakı klubunda çıxış etməli idi.
Ötən mövsüm 19 oyunda ümumiyyətlə meydana çıxmamış futbolçu ilə qarşılıqlı anlaşmanın əldə olunması istiqamətində görüşlər 17.06.2015-ci il tarixdə start götürmüş Avstriya təlim-məşq toplanışı zamanı başlanmışdı. Lakin futbolçu ilə bağlanmış müqavilə şərtlərinin "ağ-qaralar" üçün əlverişsiz olması prosesin klubun xeyrinə həllini çətinləşdirmişdi. Bu müddətdə belçikalı Emil Mpenzanın işində kluba yaxından köməklik göstərən vəkillərin də işə cəlb edilməsi danışıqların müsbət yekunlaşması ilə nəticələndi. Belə olan halda klub müəyyən məbləğdə kompensasiya ödəməklə böyük maliyyə riskinin və ikinci Emil Mpenza probleminin yaşanmasının qarşısını almış oldu. Əks halda “Neftçi” növbəti dəfə FİFA tərəfindən tətbiq ediləcək böyük maliyyə sanksiyası ilə üz-üzə qalacaq və klubun beynəlxalq imicinə ağır zərbə vurulacaqdı.
Futbolçu ilə bağlanmış müqavilə əvvəllər açıqlandığı kimi 2015-ci ilədək deyil, 2016-cı ilədək qüvvədə idi. Bu müddətdə gedən proses barədə ictimaiyyətə hər hansı məlumatın verilməsi danışıqların uğursuz nəticələnməsinə səbəb ola bilərdi.
Klub saytı vasitəsilə dərc olunan yazıda ona uğurlar arzulanıb: “Neftçi” PFK Nfora klubdakı çıxışına görə təşəkkür edir və kamerunlu futbolçuya gələcək karyerasında uğurlar azulayırıq.
Nforla bağlanmış müqaviləyə əlverişli şərtlər əsasında xitam verilməsi “Neftçi” PFK-nın transfer siyasətində növbəti addımların atılması üçün şərait yaradacaq. Belə ki, klub yaxın günlərdə azarkeşlərini yeni transfer xəbəri ilə sevindirəcək".