Premyer-liqa
Rekorda doğru
Premyer Liqada 10-cu mövsümünə başlayan “Qəbə…
Premyer Liqada 10-cu mövsümünə başlayan “Qəbələ” ötən çempionatdan bu yana davam edən məğlubiyyətsiz oyunlar seriyasını 15 oyuna çatdırıb. Bu o deməkdir ki, "qırmızı-qaralar" tarixi rekordunu təkrarlamağa çox yaxındı. 2011-ci ildə qeydə alınan həmin rekord 16 matçdan ibarətdi. Deməli, növbəti turda, avqustun 23-də “Kəpəz”lə ev oyununda rekord təkrarlana bilər.
Braziliyalı futbolçu Luis Paulo Hilario və ya sadəcə, Dodo isə “Qəbələ”də keçirdiyi oyunların sayına görə yeni rekordçu olub – 114 matç. Oyun sayına görə ikinci sırada qəbələlilərin sabiq futbolçusu Viktor Mendi qərarlaşıb – 112 matç. Son çempion “Qarabağ” 1 ilə yaxındı “Qəbələ”yə qalib gələ bilmir. Sonuncu qələbəni 2014-cü il oktyabrın 17-də qazanan (2:0) Ağdam klubu bundan sonra “qırmızı-qaralar”la keçirdiyi 4 oyunda istəyinə çata bilməyib.
“Qəbələ”nin heyətində çempionatdakı debüt matçında fərqlənən Sergey Zenyov həm də komandasının bu mövsümdə ilk qolunun müəllifi olub. O, Avropa Liqasında “Çukariçki”yə 2:0 hesabı ilə qalib gəlindiyi matçda dubl etmişdi. Zenyov “Qəbələ”də debüt edən ilk eston futbolçu kimi də tarixə düşüb. Yeri gəlmişkən, ukraynalı hücumçu Aleksey Antonov da çempionatımızda qol hesabını açıb.
("Qəbələ İK" qəzeti)
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- I Liqa2024-04-30 14:45
“Araz Saatlı”nın məşqçisinə 2 oyunluq cəza