Ölkə futbolu
"Qarabağ" üçün arzuolunmazlar
Azərbaycan çempionu "Qarabağ" ardıcıl 2-ci mö…
Azərbaycan çempionu "Qarabağ" ardıcıl 2-ci mövsüm Aropa Liqasının qrup mərhələsində çıxış edəcək. Futbolinfo.az xəbər verir ki, "atlılar" qrupda "Monaco" (Fransa), "Anderlext" (Belçika), "Tottenhem"lə (İngiltərə) mübarizə aparacaq.
Adıçəkilən komandalardan yalnız "Anderlext" azarkeşlərmizə tanışdı. Bu komanda 2005-ci ildə paytaxtımızda qonaq olub. O zaman Çempionlar Liqasının 2-ci təsnifat çərçivəsində "Neftçi"ni öz meydanında 5:0 hesabı ilə məğlub edən belçikalılar Tofiq Bəhramov adına Respubilka stadionunda meydanı məğlub tərk etmələrinə baxmayaraq, mərhələ adlamışdılar. Ümumiyyətlə, keçmişə nəzər salsaq, görərik ki, Belçika təmsilçilərinə Bakıda nəinki xal qazanmaq, heç qol vurmaq da qismət olmayıb. Adıçəkilən ölkənin təmsilçiləri ilə indiyədək 3 dəfə yolumuz kəsişib. Bunlardan 2-də rəqib 1-də isə Azərbaycan komandası növbəti mərhələyə adlayıb:
2005/06. "Anderlext" 5:0, 0:1 "Neftçi" (ÇL)
2008. "Jerminal" 1:1, 0:1 "Neftçi" (İntertoto Kuboku – İK)
2011/12 "Brügge" 4:1, 0:1 "Qarabağ" (AL)
2008. "Jerminal" 1:1, 0:1 "Neftçi" (İntertoto Kuboku – İK)
2011/12 "Brügge" 4:1, 0:1 "Qarabağ" (AL)
1983-cü ildə UEFA kubokunun qalibi olmuş bu komanda ötən mövsüm Belçika çempiotında bürünc medallara sahib olmaqla, cari mövsüm turnirə birbaşa qrup mərhələsindən qoşulub. Komanda hazırda 47.440 xalla Avropa klublarının reytinq cədvəlində 44-cü yerdə qərarlaşıb.
Qrupumuzda yer alan "Tottenhem" isə təmsilçilərmizlə qarşılaşacaq ilk ingilis klubu olacaq. Ötən mövsüm İngiltərə Premyer Liqasında 5-ci yerə çıxan londonlular da eynən "Anderlext" kimi mübarizəyə qrup mərhələsindən qoşulacaq. 2 dəfə UEFA kubokunun, 1 dəfə isə Kuboklar Kubokunun qalibi olan Maurisio Poççetinonun yetirmələri qrupun favoritlərindədi. Hotspurlular hazırda 60.006 Avropa klub reytinqində 24-cü mövqedə qərar tutub.
3-cü torbadan "Qarabağ"a rəqib olan "Monako" ölkəmizə təşrif buyuracaq 3-cü Fransa klubu olacaq. Belə ki, bundan öncə "Monpelye" və "Sent-Etiyen" avrokuboklar çərçivəsində Bakıda qonaq olub. Maraqlıdı ki, "Monako" kimi adıçəkilən bu 2 komanda da məhz Ağdam klubunun rəqibi olub. Monpelyelilər təmsilçimizi mübarizədən kənarlaşdırmağa müvəffəq olmuşdusa, "atlılar" son mövsüm AL-in qrup mərhələsində "Sent-Etiyen"i üstələyə bilmişdi:
1999. "Monpelye" 6:0, 3:0 "Qarabağ" (İK)
2014/15. "Qarabağ" 0:0, 1:1 "Sent-Etiyen" (AL)
2014/15. "Qarabağ" 0:0, 1:1 "Sent-Etiyen" (AL)
2004-cü ildə ÇL-də gümüş mükafata sahib olmuş knyazlıq təmsilçisi ötən mövsüm Fransa çempionatında 3-cü yerə sahib çıxıb. Monakolular cari mövsümdə avrokuboklara ÇL-in 3-cü təsnifat mərhələsindən qoşulub. "Qarabağ"ın AL-in pley-off mərhələsində məğlub etdiyi İsveçrə "Yanq Boyz"u ilə qarşılaşan "ağ-qırmızılar" bu rəqibini hər iki oyunda məğlub edib – 1:3, 0:4. Lakin pley-off-da "Valensiya" səddi keçilməz olub. Qərbi avropalılar 29.883 xala malik rəqib hazırda Avropa klub reytinq cədvəlində 58-ci yerdə qərarlaşıb.