Milli komanda
Sıfırlarla gələn ilklər
Dünən Avropa Çempionatının seçmə oyunları (A&C…
Dünən Avropa Çempionatının seçmə oyunları (AÇSO) çərçivəsində baş tutan Azərbaycan – Xorvatiya matçında qeydə alınan 0:0 hesablı nəticə yığmamızın üçün əlamətdar olub. Bu bərabərlik komandamızın rəsmi oyunlarda ümumilikdə 21, AÇSO-da isə 8-ci heç-heçəsi oldu.
Millimiz qitə yarışlarında indiyədək 2 dəfə rəqibləri ilə qolsuz bərabərliyə razı olmuşdu. Xorvatlarla dünən baş tutan oyun bu mənada komandamız üçün 3-cü analoji nəticə kimi tarixə düşdü. Həmçinin, yığmamız tarixində ilk dəfə ardıcıl 3 rəsmi oyunda qapısını toxunulmaz saxlaya bilib. Bu görüşlərin hamısında millimizə Robert Prosineçki başçılıq edib. Xorvatiyalı çalışdırıcı komandamıza rəhbərlik edən baş məşqçilər arasında ilk 3 rəsmi oyununda uduzmayan hələ ki, yeganə mütəxəssisdi. Ona qədər heç ilk 2 matçını daməğlubiyyətsiz keçirən mütəxəssis olmamışdı.
3 oyunluq məğlubiyyətsiz seriya Prosineçkini sələfinə bir az da yaxınlaşdırdı. Belə ki, indiyədək Berti Foqtsun rəhbərliyi altında komandamız seçmə mərhələlərdə ardıcıl 4 görüşdə məğlub olmamışdı.
Xorvatiyalı mütəxəssis bu göstəricidə ötən seçmə mərhələdə ardıcıl 4 oyun məğlub olmayan Foqtsdan geri qalır. Əgər seçməmiz 2 gün sonra səfərdə Maltaya məğlub olmasa, vətənində "kürən" ləqəbi ilə tanınan məşqçi məğlubiyyətsizlik seriyasında qoca almana çatacaq.
Robert Prosineçki dünən başqa bir ilkə də imza atıb. Belə ki, o, millimizi çalışdırmış əcnəbi mütəxəssislər arasında ölkəsinin komandasından xal almağa müvəffəq olan yeganə məşqçidi. Ondan öncə almaniyalı Foqts həmyerlilərinə qarşı 4 dəfə komandasını meydana çıxarmışdı. Amma Prosineçkidən fərqli olaraq, alman çalışdırıcı bütün matçlarda həmvətənləri qarşısında üzümüzü qara etmişdi. Komandamız həmin oyunlarda ümumilikdə 15 dəfə məyus olmuşdu.
ELMAR ABDULLA-ZADƏ
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq
- Ölkə futbolu2024-05-03 14:00
“Neftçi”nin riskli seçimi: lazımsız legionerlə 4 illik müqavilə bağlayırlar