Ölkə futbolu
“Xəzər Lənkəran” qiyam ərəfəsində
“Xəzər Lənkəran”da bıçaq sümüyə dir…
“Xəzər Lənkəran”da bıçaq sümüyə dirənib. Neçə vaxtdı maaş üzü görməyən futbolçu və məşqçilər, eləcə də inzibati heyət, həmçinin klubun digər işçiləri artıq mövcud vəziyyətdən cana doyublar.
Klub rəhbərliyi vəd verməyi də tərgidib, çünki onların dediyi mənasız söz yığınından başqa bir şey deyil. İndi hamı klubun fəxri prezidenti Mübariz Mənsimovun rəhmə gəlib onlara xərclik göndərəcəyi günü gözləyir.
Mənsimovun klubdan üz döndərməsinin, komandaya maddi dəstək verməməsinin səbəbi var. Dəfələrlə klub prezidenti olan qardaşı Mais Mənsimov tərəfindən aldadılan Mübariz bəy “Xəzər Lənkəran”ın düzgün idarə olunmamasına görə belə addım atır. Qardaşına bir söz deyə bilməyən böyük Mənsimov onun vitse-prezident Tuyqun Nadirovla birləşərək, etdiklərinə biganə qala bilmir, xoşbəxt cütlüyü məhz bu yolla cəzalandırır.
Əslində, Mübariz bəyi qınamaq olmur. Klubu həmişə yağ-bal içində saxlayan iş adamı əvəzində nəticəsizlik bir yana, daim adının qalmaqallarla yanaşı çəkilməsindən bezib. Hər gün bir legionerin FİFA-ya müraciət edib təzminat davasını udması, klubun cəzalanmasına nail olması onun imicinə də böyük zərbədi.
Bəlkə də, köhnə günahları unutmaq, onları bağışlamaq olardı. Hətta klubun 2 “transfer pəncərəsi” dövründə oyunçu almasına qadağa qoyulmasına da rəhbərlik don geyindiribmiş. Lakin…
İş ondadı ki, Mais Mənsimovla Tuyqun Nadirovun əməllərinin acı nəticələri hər gün yenidən üzə çıxır. Hamısının da motivi eynidi. Futbolçularla ikili müqavilələr, sponsorlardan alınan pullardan mənimsəmələr, onların legionerlərə çatdırılmaması… Əvəzində də əcnəbilər FİFA-ya baş vurub haaqını tələb edir, hər dəfə də qalib gəlirlər. Veldin Muharramoviç olayı səngiməmiş Qalin İvanovun kluba qalib gəlməsi, Deyan Blajevski, Eder Bonfim və başqalarıyla çəkişmələrin davam etməsi – bunların hamısı Mübariz bəyi qardaşından üz döndərməyə vadar edib.
Özünün “məlum ehtiyaclar“ına çətinliklə pul tapan Mais Mənsimov onun kölgəsində gizlənən Tuyqun Nadirov indi çətin vəziyyətdədi. Köhnə borclar bir yana, heyətdəki futbolçuları da razı salmaq lazımdı. Ancaq rəhbərlik boş əllə bunun öhdəsindən gələ bilmir. Həftəsonu Premyer Liqada mövsüm bərpa olunmalıdı, cənublular isə yeni oyunçulara bir qəpik də ödəməyib. Bu səbəbdən Ruslan Abışov, Vüqar Nadirov başda olmaqla bütün yenilər 4-cü tura çıxmaq istəmir. Çünki oynasalar, azad agent statusu alaraq başqa kluba keçmək şansını itirəcəklər. Qalıb pulsuz oynamaq isə onların planlarına daxil deyil.
Beləliklə, “Xəzər Lənkəran” qiyam ərəfəsindədi. Bu həftə problemlər həll olunmasa, futbolçular oyuna çıxmayacaq. Qalanını isə Mübariz bəyə cavab verməli olacaq Mais – Tuyqun cütlüyü bilər…
AĞA
- Milli komanda2024-05-01 18:44
Milli komandamızın baş məşqçi postuna əsas namizəd bəlli oldu
- I Liqa2024-05-01 11:25
I Liqada 24-cü turun təyinatları müəyyənləşdi
- Ölkə futbolu2024-05-02 08:00
Bir aylıq istirahətin şərəfinə… Balaşın ariyası
- Digər idman növləri2024-04-30 23:44
“Xırdalan” pley-offa qələbə ilə başladı