Premyer-liqa
AZAL üçün bayatı
Harda var AZAL kimi komanda? Nə olsun ki sonuncu pillədədi? Əvəzi…
Harda var AZAL kimi komanda? Nə olsun ki sonuncu pillədədi? Əvəzində Premyer Liqada iştirak edən bütün klubların cəmi göstəricisini tək əldə edib: Başqalarının da 4 “sıfrı” var, onların da. Qələbə sayı – 0, heç-heçə – 0, vurulan topların sayı – 0, xal – 0. Rəngarəngdi, ƏLQƏRƏZ
İndi bu sıfırları dəstəliyib, bir yerə yığsan, yaxşı bir boyunbağı alınar. Ortasından da AZAL-ın emblemini asarsan, olar Cahangir Əsgərov üçün nəzərsaxlayan gözmuncuğu. Bax, o zaman sərnişindaşımaya görə hər şeydən yüksəkdə olan aviabiletlərin qiymətinə göz dəyməz, elə yerində qalar. O zaman özünü hakimi-mütləq sayan baş pilotdan yan qaçar hər cür MƏRƏZ.
Halqayabənzər sıfırlardan zəncir də toxumaq olar, ancaq o zaman gərək təyinatı üzrə işlədəsən. Fikrət Hüseynov, Tərlan Əhmədov və ya heç bir fəaliyyəti görünməyən, yalnız maaş alan 6-7 vitse-prezidentdən biri bu nəticələrə görə gərək özünü asa. Ondan sonra cavan və nakam getmələri haqda ağı deyib, süfrəyə düzmək lazımdı min cür ÇƏRƏZ.
AZAL elə bir quyuya düşüb ki, oradan çıxması çətin görünür. Pulsuzluq, aclıq, səfalət. Təyyarələrin uçduğu hündürlükdə qərar tutan buludlar da bu klub üçün ağlayır. Ağlayanların göz yaşı üçün gərək bunların qarşısına qoyula KƏRƏZ.
Belə nailiyyəti olan, bu qədər sıfırı bir yerə toplayan komanda harda var ki? Ötən mövsüm “Araz Naxçıvan” da bunu bacarmamışdı. Belə unikal klubu turnir cədvəlinin sonunda saxlamaq olmaz, cədvəli tərsinə fırladıb onları lap birinci yerdə oturtmaq lazımdı. Heç kimin bacarmadığını edən komandanın adını axırıncı yazmaq – Tuyqun Nadirov demişkən – , qərəzdi QƏRƏZ.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib