Premyer-liqa
“Sumqayıt”ın hakimləri təhqir edən məşqçisi cəzalandırldı
Bu gün AFFA İntizam Komitəsinin növbəti iclası keç…
Bu gün AFFA İntizam Komitəsinin növbəti iclası keçirilib. Futbolinfo.az xəbər verir ki, aparılan müzakirələrdən sonra Topaz Premyer Liqasın 6-cı turunun oyunları ilə bağlı cəzaları açıqlanıb.
“Sumqayıt” – AZAL matçında ev sahibi komandanın 5 futbolçusu sarı vərəqə ilə cəzalandığı üçün klub 1000 manat cərimə olunub. Həmin matçın 62-ci dəqiqəsində “Sumqayıt”ın futbolçusu Bəxtiyar Həsənalızadə ikinci sarı vərəqə alaraq, meydandan kənarlaşdırıldığı üçün 1 oyunluq cəzalanıb, klub 200 manat məbləğində cərimələnib. Oyun başa çatdıqdan sonra “Sumqayıt”ın məşqçisi Mübariz Orucov hakimlər briqadasını təhqir etdiyinə görə 5 oyunluq cəzalanıb, klub 5000 manat cərimə olunub.