I Liqa
AFFA “Bakılı”nın məşqçisini də bağışlamadı
Bu gün AFFA İntizam Komitəsinin növbəti iclası keç…
Bu gün AFFA İntizam Komitəsinin növbəti iclası keçirilib. Futbolinfo.az xəbər verir ki, aparılan müzakirələrdən sonra Azərbaycan çempionatının 1-ci divizionunun III turun oyunları ilə bağlı cəzalar açıqlanıb.
“Mil-Muğan” – “Zaqatala” matçında ev sahibi komandanın 5 futbolçusu sarı vərəqə ilə cəzalandığı üçün klub 100 manat cərimə olunub.
“Ağsu” – “Turan Tovuz” matçının 57-ci dəqiqəsində qonaqların futbolçusu Seymur Tağıyev ikinci sarı vərəqə alaraq, meydandan kənarlaşdırıldığı üçün 1 oyunluq cəzalanıb, klub 20 manat cərimə olunub.
“Bakılı” – “Neftçala” matçının 42-ci dəqiqəsində “ev sahiblərinin futbolçusu Taleh Babayev ikinci sarı vərəqə alaraq, meydandan kənarlaşdırıldığı üçün 1 oyunluq cəzalanıb, kluba 20 manat cərimə kəsilib. Oyunun 45+1-ci dəqiqəsində “Bakılı”nın məşqçisi Əli Hüseynov texniki zona qaydalarını pozduğuna görə texniki zonadan kənarlaşdırılarkən hakimlər briqadasını təhqir etdiyinə görə 5 oyunluq cəzalanıb, klub 500 manat cərimə olunub.