Ölkə futbolu
Sadıqovdan "Qəbələ"yə, Talıbovdan "Anderlext"ə məsləhət
Bu gün Avropa Liqasında təmsilçilərimiz qrup mərhələ…
Bu gün Avropa Liqasında təmsilçilərimiz qrup mərhələsində 2-ci qarşılaşmalarına çıxacaqlar. “Qarabağ” evdə Belçika “Anderlext”i, “Qəbələ” isə Rusiyada “Krasnodar”la qarşılaşacaq. Azərbaycan futbolu üçün əhəmiyyətli bir gündə komandalarmızın hansı nəticəni qazana bilər? Bu görüşlərdə uğur qazanmaq üçün nə lazımdı? Bu və digər suallarla bağlı mütəxəssilərin fikirlərini öyrəndik.
AFFA İcariyyə Komitəsinin üzvü Vaqif Sadıqovun fikrincə, “Qarabağ” bu oyunda rəqibin əks-hücumlarından qorunmalıdı: “Qarabağ” Avropada çoxdan öz sözünü deyib. Rəqibin güclü komanda olmasına baxmayaraq, fikrimcə, təmsilçimiz gözəl oyunu ilə azarkeşlərmizi sevindirə biləcək. Mənə elə gəlir ki, “Anderlext” əks-hücumlara bel bağlayacaq. Onların “Monako” ilə görüşünü izləmişəm. Çox sürətli hücumlar təşkil edirlər. Yəqin ki, rəqib meydana qrup oyunlarına uyğun taktika ilə çıxıb, “Qarabağ”ı əks-hücumda yaxalamağa çalışacaqlar. Onlar da təmsilçimizin evdə necə oynadığını, topa daha çox nəzarət etdiyini bilir. Bundan başqa, standart vəziyyətlərdə də çox təhlükəlidilər. Yəni, əsas bu cür vəziyyətlərdən qorunmaq lazımdı. “Qarabağ” da qələbənin çox vacib olduğunu dərk edir. Bu oyunda qazanılacaq 3 xal “Qarabağ” futbolçularında psixoloji vəziyyəti yaxşılaşdıracaq”.
Klublar Komistəsinin sədri “Qəbələ”nin artıq müsət nəticə qazanmaq üçün hazır olduğunu da bildirib: “Səfərdə oynamağına baxmayaraq, “Qəbələ” artıq müsbət nəticə qazamaq üçün hazır vəziyyətdədi. Hər iki komanda eyni dəst-xəttə malikdi. İlk səhv edən komandanın sonradan çıxış tapmaq variantı çətin olacaq. “Qəbələ”nin rəqibin səhvlərindən istifadə etməsini və etibarlı oyun sərgiləməsini arzu edərdim. Təmsilçimiz son görüşlərdə bütün mövqelərdə etibarlı oyun nümayiş etdirir. Bunun davamının gəlməsini istəyərdim. Ona görə ki, “Qəbələ” oyunda-oyuna artırır. Rəqib əsasən, futbolçularının fərdi ustalığı ilə seçilir. “Krasnordar”ın bəzi futbolçularını çox yaxşı tanıyıram. Bəziləri bir vaxtlar “Anji”də sərəncamımız altında çıxış edib. Bunlardan biri də Özbəkistan yığmasının kapitanı Adil Əhmədovdu. Ümumiyyətlə, cinahda çıxış edən brazilyalılardan da çəkinmək lazımdı. Rusiya çempionatında keçirilən son oyunlardan görünür ki, “Krasnodar” elə də yaxşı formada deyil, “Qəbələ” bundan yararlanmalıdı”.
Fikrini öyrəndiyimiz digər mütəxəssis isə “Qaradağ-Lökbatan” klubunun baş məşqçisi Əfqan Talıbovdu. Təcrübəli çalışdırıcı Ağdam təmsilçisini “Anderlext”lə oyunun aşkar favoriti sayır: “Anderlext”in oyunlarını izləmişəm. Fikrimcə, rəqib “Qarabağ”la qarşılaşmada ehtiyatlanmalıdı. Çünki təmsilçimiz elə bir komandaya çevrilib ki, Avropa arenasında sərbəst oyun nümayiş etdirir və öz dəst-xətti olan komandaya bənzəməyə başlayır. Buna görə də “Qarabağ”la artıq hesablaşmağa başlayıblar. Bugünkü oyunda Qurban Qurbanovun yetirmələrinin qalib gəlmək şanslarını 80, rəqibin isə 20 faizlə dəyərləndirirəm. Belçika təmsilçisi əsasən gənc futbolçulardan qurulub. Bu komandada əvvələr 3-4 nəfər təcrübəli futbolçu olardı. İndi yeni nəsil yetişdikcə, görürük ki, gənc futbolçulara daha çox üstünlük verirlər. Bununla bərabər müdafiədən çox genişşaxəli şəkildə hücuma çıxmağı sevirlər, kəskin əks-hücumları etməyi bacarırlar. Təbii ki, “Qarabağ” öz oyununu diqtə edəcək, “Anderext”i topsuz qoyacaq. Fikrimcə, təmsilçimiz ilk 15 dəqiqədə qol vura bilsə, oyunun sonunda kimi rahat çxış edəcək. Çünki belə olan halda, rəqib “açılmağ”a başlayacaq. 3 xalı təmin etmək üçün 2-ci qolu da vurmaq lazımdı.
Talıbovun fikrincə, “Krasnodar”la matç “Qəbələ” üçün çox çətin olacaq. Mütəxəssis bu görüşdə rəqibi favorit sayır: “Qəbələ”nin oyunlarını ölkə çempionatında, avrokuboklarda da izləmişik. Təmsilçimizin heyətini əsasən, slavyan futbolçular təşkil edir. Məşqçi heyəti də, oyunçular da atletik futbola üstünlük verir. “Krasnodar” evdə çox güclüdü. Toni Adams və digər futbolçular öz fikirlərində qalibiyyət haqda danışıblar. Düzdü, buna qadirdilər, amma məncə, bu dəfə “Krasnodar”ın qalib gəlmək şansı 80, “Qəbələ”də isə 20 faizdi. Rəqibin heyətində induvidal brazilyalı futbolçular var. Onlardan bir az ehtiyatlanmaq və mövqelərini bağlamaq lazımdı. Fərdi olaraq 2-3 nəfər futbolçunu keçməyə imkan verilməməlidi. Yəqin ki, əks-hücumlar Qriqorçukun əsas silahlarından biri olacaq. Bununla yanaşı, “Qəbələ” əks-hücumda tutulmamaq üçün də ehtiyatlı olmalıdılar”.
ELMAR ABDULLA-ZADƏ