Ölkə futbolu
Hasi: "45 dəqiqə yaxşı oynamaqla iş bitmir"
Bu gün Avropa Liqasının qrup mərhələsində 2-ci turun oyunla…
Bu gün Avropa Liqasının qrup mərhələsində 2-ci turun oyunları keçirilir. Futbolinfo.az xəbər verir ki, son Azərbaycan çempionu "Qarabağ" evdə "Anderlext"i 1:0 hesabı ilə məğlub edib.
Tofiq Bəhramov adına Respublika stadionundakı qarşılaşmadan sonra keçirilən mətbuat konfransında açıqlama verən qonaq komandanın baş məşqçisi Besnik Hasi məğlubiyyəti belə şərh edib:
“Avropa belədi ki, bir komanda 45 dəqiqə oynayırsa, 6 qol şansını boş verirsə, qələbə qazana bilmir. Birinci hissədə zəif oynadıq. Mentalitet yerində deyildi. İkinci hissədə özümüzə gəldik və artıq gec idi. Qolda qapıçı Silvio Protonun səhvi olub-olmadığını deyə bilmərəm. Çünki əvəlcə müdafiəçilər zərbəyə imkan verməməli idilər. “Qarabağ”ın 2 şansı oldu və bundan istifadə etdi. Bizim 6 epizodumuz olsa da, vura bilmədik. Əslində 1 qol vurduq, amma hakim saymadı. Referinin bu qərarından narazıyam”.
Çalışdırıcı komandasının qol vurmaq probleminin odluğunu və bunun üzərində işləyəcəklərini deyib: “Qol vurmaq problemi üzərində işləyəcəyik. Şanslarımız var idi, amma yararlana bilmədik”.
“Qrupdan çıxmaq perspektivinə necı baxırsız?” sualına Hasi belə cavab verib: “Biz ilk iki turda heç də zəif rəqiblərlə üz-üzə gəlmədik. “Monako” ilə oyunda 2 xal itirdik. Avropada axıra kimi oynamaq lazımdı. 45 dəqiqə yaxşı oynamaqla iş bitmir”.
O, "Qarabağ"ın güclü rəqib olduğunu da gizlətməyib: “Biz heç vaxt “Qarabağ”a ikinci divizion komandası deyə bilmərik. Çünki onların oyunlarına baxıb görmüşük. Rəqib kifayət qədər yaxşı komandadı. Amma mənim komandam daha güclüdü”.
Qol vurduqlarını iddia edən baş məşqçi bunu əminliklə deməsini belə izah edib: “Bunu futbolçuların reaksiyasından hiss etdim. O epizodu durduğum yerdən görmək mümkün deyildi”.