Ölkə futbolu
"Qarabağ"ın ilki və "Qəbələ" sindromu qırdı
Dünən avrokuboklarda təmsilçilərimiz 2-ci matçla…
Dünən avrokuboklarda təmsilçilərimiz 2-ci matçlarına çıxdı. Futbolinfo.az xəbər verir ki, qeydə alınan nəticələrdən sonra bir neçə maraqlı fakt qeydə alınıb.
“Qarabağ”ın “Anderlext”i məğlub etməsi ilklərlə yadda qaldı. Belə ki, təmsilçilərimiz ilk dəfə Avropa Liqasının qrup mərhələsi çərçivəsində ev matçında qalib gəldi. Ümumiyyətlə, təmsilçilərmizin qrup mərhələsindəki bundan əvvəlki yeganə qələbəsini də məhz “Qarabağ” qazanmışdı. Lakin bu qələbə Ukrayna “Dnepr”i ilə səfər matçında qeydə alınmışdı. Yeganə qolun müəllifi Riçard Almeyda isə Ağdam təmsilçisinin avorkuboklarda yubiley – 60-cı qolunun müəllifi kimi tarixə düşdü. Bundan əlavə, Almeyda “Qarabağ”ın heyətində avrokuboklarda 5-ci qolunu da vurmağa müvəffəq oldu. Yarımmüdafiəçi artıq ardıcıl 4-cü matçdı ki, rəqib qapısına yol tapır. "Sambaçı" təmsilçilərmizin heyətində bu uğura imza atan yeganə futbolçudu. Digər maraqlı məqam isə klublarımız 4-cü dəfə Bakıda Belçika təmsilçisi ilə qarşılaşmasıdı. Maraqlıdı ki, bundan öncəki bütün görüşlərdə klublarımız 1:0 hesabı ilə qalib gəlmişdi.
Digər bir yubiley isə Ağdam təmsilçisinin baş məşqçisi Qurban Qurbanovla bağlıdı. Belə ki, 43 yaşlı mütəxəssis avrokuboklarda baş məşqçi kimi komandasını 50-ci matçına çıxardı. O, bu qarşılaşmaların 2-də “Neftçi”yə, 48-də isə “Qarabağ”a rəhbərlik edib
“Qəbələ”nin “Krasnodar”a vurduğu qol klublarmızın ruslara qarşı sindiromuna son qoyub. Belə ki, təmsilçlərimiz indiyədək avrokuboklarda 4 görüşdə üzləşdiyimiz Rusiya klublarının qapısına yol tapa bilməmişdi.
“Qarabağ”ın ölkə reytinqinə qazandırdığı 0.500 xaldan sonra Azərabaycan cari mövsümdə qazandığı xalların sayı 3.875-ə çatdl ki, bu da rekord sayılır.
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub
- Ölkə futbolu2024-04-26 08:00
Juninyo – Avropanın ən yaxşı braziliyalısı