Premyer-liqa
Rəzil “Neftçi” efirdən niyə “qaçdı”?
Rəzalət, rüsvayçılıq, biabırçılıq – n?…
Rəzalət, rüsvayçılıq, biabırçılıq – nə ad istəsən, qoya bilərsən. Bəlkə hətta bu sözlər də “Neftçi”nin durumunu tam açacaq sözlər deyil.
“Neftçi”ni söküb təzədən yığmaq, qaşıyıb irinlərini təmizləmək lazımdı. Bakılıların idman direktoru Vəli Qasımov özü nə qədər böyük futbolçu olubsa, seçib gətirdiyi əcnəbilər bir o qədər lazımsızdı. Onun seleksioner bacarığı budursa, vay “Neftçi”nin halına. Onun tapdıqları hətta qələbəyə həsrət “Rəvan”ın da qarşısını almağa yetmədi.
Oyun öz yerində, bizim diqqətimizi başqa məqam çəkdi. Belə ki, nədənsə Premyer Liqanın yayım hüququnu qazanmış CBC bu qarşılaşmanı efirə gətirmədi. Sonradan öyrəndik ki, tərəflər vaxt məsələsində anlaşmayıb. Oyunla eyni vaxtda Roma derbisi də keçirilirdi. İtaliya A seriyasının “Roma” – “Latsio” matçının vaxtını dəyişmək bizimkilərin imkanı xaricində olduğundan CBC “Neftçi”yə ağız açıb. Amma bakılılar bundan imtina edib. Onlar müxtəlif səbəblər göstərərək “Rəvan”la oyunun vaxtının dəyişdirilməsinə razılıq verməyib.
Burada telekanalı da günahlandırmaq olar, “Neftçi”ni də. Bircə bu oyunu izləmək istəyən sadə azarkeşlər günahsızdı. Qərar vermək isə onların əlində olmadığından ancaq təəssüflənməklə kifayətlənəcəklər. Kim bilir, bəlkə də “Neftçi” rəhbərliyi bu cür rəzil komandanı camaatdan gizlətmək istədiyi üçün canlı yayına razılıq verməyib.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib