Ölkə futbolu
Son tur ərəfəsində… təşəkkürəvəzi
Yaxşı oyuna görə “Qarabağ”a, qazandığı reytinq…
Yaxşı oyuna görə “Qarabağ”a, qazandığı reytinq xalına görə “Qəbələ”yə təşəkkür! Avropa Liqasının 5-ci turunun oyunlarından snra deyəcək başqa söz yoxdu.
Məşqçi səhvləri, oyunçu xətaları haqda danışmaq, komandaların niyə daha yaxşı oynamadığını müzakirə etmək olar. Ancaq etiraf edək ki, bura artıq başqa səviyyədi, gündən-günə zəifləyən Azərbaycan çempionatı yox. Avrokubokda ürəyimiz əsmədən, hətta qələbəyə inanaraq oyun izləyiriksə, deməli, irəli addım atmışıq.
Bu mənada “Qarabağ” bizi daha tələbkar, daha inadcıl edib. Zarafat deyil, indi hamımız “Tottenhem” üzərində qələbə, Monakodan xalla dönmək arzulayırıq, bu, reallaşmayanda təmsilçimizi tənqid etməyə başlayırıq. 2-3 il öncə “Lex”dən, “Banqa”dan qorxan, “Tvente”yə, “Rusenborq”a, “Asteras”a “nəhəng” gözüylə baxan bizlər…
“Qəbələ” də az iş görməyib. Bu komandanın yunanlara 4 oyunda uduzmaması sıradan hadisə deyil. Qrup mərhələsinin ən az reytinqli komandası, əslində, ÇL-ə layiq Dortmund “Borussiya”sı ilə bir qrupa düşməsəydi, bəlkə də “Krasnodar”la son görüşə ölüm-dirim matçı kimi baxırdıq. Roman Qriqorçukun yetirmələrinin qrupa kimi 4 rəqibi yenməsi isə reytinq xalı baxımından bizi çox irəli aparıb. Elə dünən UEFA siyahısında 26-cı pillədə qalmağımızı da Saloniki bərabərliyi təmin etdi.
Ən maraqlısı odur ki, bütün bu uğurları Hafiz Məmmədovun, Mübariz Mənsimovun, Cahangir Hacıyevin milyonları havaya sovurduğu, Kaxaber Sxadadzenin, Vinfred Şaferin, Con Toşakın, Mirça Rednikin və başqalarının yeyib-yatdığı dönəmdə yox, futbolumuzun ac qaldığı günlərdə əldə edirik. “Qarabağ” və “Qəbələ”nin daha ağıllı futbol siyasəti aparması, işbilən insanlara güvənməsi sayəsində…
Avropa Liqası “Qəbələ” üçün son tur ərəfəsində bitdi, “Qarabağ” isə şansını yenə son oyunadək qoruyur. Belçikada mümkün zəfər ağdamlıları 1/16 finala da çıxara bilər. Bu, reallaşmasa da, komandalarımıza təşəkkür düşür. Ancaq yeni mövsümdə tələblər daha böyük olacaq. Buna bizi özünüz öyrətmisiz.
CAVAD
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib