Ölkə kuboku
Qurbanov: "I Diviziona daha çox diqqət ayırmalıyıq"
Bu gün Azərbaycan Kubokunda 1/8 final mərhələsinə start veri…
Bu gün Azərbaycan Kubokunda 1/8 final mərhələsinə start verilib. Futbolinfo.az xəbər verir ki, "Qarabağ" doğma meydanda 1-ci divizion təmsilçisi "Şəmkir"i 2:0 hesabı ilə məğlub edərək, növbəti mərhələyə vəsiqə qazanıb.
"Azərsun Arena"dakı matçdan sonra təşkil olunan mətbuat konfransında açıqlama verən ev sahibi komandanın baş məşqçisi Qurban Qurbanov qələbəni belə şərh edib:
“Şəmkir”lə görüşdən sonra düşündüm ki, I Diviziona daha çox diqqət ayırmalıyıq. Açığı, rəqibin oyununa baxmışdıq, onları təhlil etmişik. Amma istənilən halda futbolçuları belə bir oyuna kökləmək çətindir. Hesab edirəm ki, “Şəmkir” bizə çox çətinlik yaratdı. Bütün bunlara baxmayaraq, qələbə qazandıq, bu münasibətlə futbolçuları və azarkeşləri təbrik edirəm. Sıx qrafikimiz var, həm çempionat, həm də avrokubok matçına hazırlaşmalıyıq. “Şəmkir”lə görüşün bizim üçün faydası çox oldu”.
“Şəmkir”in baş məşqçisi Kamran Əlibabayev də bu sözləri deyib: “Qarabağ”ı qələbə münasibəti ilə təbrik edir, onlara uğurlar arzu edirəm. Futbolçularımdan narazı deyiləm. Bizim ilk hissədə qol vurmaq üçün şanslarımız oldu, amma bunlardan istifadə edə bilmədik”.